Video Chhagan Bhujbal : हाकेंच्या उपोषणस्थळावरून छगन भुजबळांची मोठी मागणी,' ओबीसींना विधानसभा...'

Chhagan Bhujbal News : वडीगोद्रीत लक्ष्मण हाके यांच्या उपोषणस्थळी सरकारच्या शिष्टमंडळानी भेट दिली. या शिष्टमंडळात असलेल्या मंत्री छगन भुजबळ यांनी मराठ्यांना स्वतंत्र आरक्षण द्या आम्ही त्याला पाठींबा देवू, असे सांगत पंकजाताईंनी जातीय विरोध केला नसताना त्यांना पाडलं. मग लोकसभेला आणि विधानसभेला ओबीसींना आरक्षण हवं, अशी मागणी केली.

वडीगोद्रीत छगन भुजबळ यांच्यासह अतुल सावे, उदय सामंत,गुलाबराव पाटील, धनंजय मुंडे, प्रकाश महाजन असे पाच मंत्री लक्ष्मण हाकेंना भेटले. सरकारसोबत झालेल्या चर्चेची माहिती त्यांनी हाकेंना दिली.

आरक्षण हा गरिबी हटाओ कार्यक्रम नाही. आम्ही कुणाच्या बापाला घाबरत नाही. त्यांना स्वतंत्र आरक्षण द्या. आमचा पाठींबा आहे. आमच्या ताटातलं त्यांना देवू नका. त्यांना दुसरं ताट द्या, असे म्हणत छगन भुजबळ Chhagan Bhujbal यांनी मराठा समाजाला ओबीसीमधून आरक्षण देण्यास तीव्र विरोध केला.

अन्याय झालेले समाज हळूहळू पुढे येत आहेत. आम्ही कुणाला धमक्या दिल्या नाहीत. आम्ही कोणाला घाबरत नाही, असे म्हणत भुजबळांनी मनोज जरांगे पाटील Manoj Jarange यांना नाव न घेता डिवचले. तसेच तो काय बोलतो हे त्यालाच कळत नाही, असे म्हणत जरांगेंची खिल्ली देखील उठवली.

कुणबी दाखल्यांचे वाटप केले होते. त्यामुळे हे दाखल रद्द करण्याची मागणी लक्ष्मण हाके यांनी केली होती.त्यावर देखील भुजबळ बोलले. ते म्हणाले, अनेक ठिकाणी खोट्या दाखल्याचे वाटप झाले आहे. खोट्या दाखल्यांचे वाटप करणाऱ्यांवर कारवाई करण्यात यावी. राज्यात अनेक ठिकाणी खोटे कुणबी दाखले देण्यात आले आहेत.