Pankaja Munde emotional appeal : ‘... तर 3 जून हा दिवस उजाडूच नये’; गोपीनाथ मुंडेंच्या स्मृतिदिनानिमित्त पंकजा मुंडेंचं हृदय हेलावणारे आवाहन चर्चेत

Beed News : भाजपचे दिवंगत नेते गोपीनाथ मुंडे यांचा 3 जून रोजी स्मृतिदिन आहे. त्या निमित्ताने पंकजा मुंडेंनी भावनिक आवाहन केले आहे. मुंडे यांच्या स्मृतीदिनानिमित्त गोपीनाथ गडावर व परळी शहरात विविध कार्यक्रमांचे आयोजन करण्यात आले आहे. या कार्यक्रमास नागरिकांनी मोठया संख्येने उपस्थित राहावे, असे आवाहन राज्याच्या पर्यावरण मंत्री पंकजा मुंडे यांनी केले आले आहे.

'दरवर्षी प्रमाणे आपल्या सर्वांचे लाडके लोकनेते गोपीनाथ मुंडे यांच्या पुण्यतिथीचा दिवस आला आहे. 3 जून हा दिवस उजडूच नये, असे आपल्यासारख्या असंख्य कार्यकर्त्यांना वाटते. पण त्या दिवशी मुंडे साहेबांच्या विचाराचे स्मरण करून त्यांच्या विचारावर चालण्याची शपथ घेऊन अनेक जण गोपीनाथ गडावर येऊन ऊर्जा घेत असतात. या दिवशी परंपरेप्रमाणे डोक महाराजांचे कीर्तन व उपस्थित राहतील तेवढ्याचे भोजन. हा गोपीनाथ मुंडे साहेबांचा पारिवारिक कार्यक्रम आहे, तर आपण सर्वानी 3 जूनला सकाळी 11वाजता गोपीनाथ गडावर उपस्थित राहावे,' असे आवाहन पंकजा मुंडे (Pankja Munde) यांनी केले आहे.

त्यासोबतच गोपीनाथ मुंडे (Gopinath Munde) यांच्या स्मृतिदिनानिमित्त परळी शहरात विविध कार्यक्रमाचे आयोजन करण्यात आले आहे. त्यासोबतच गोपीनाथ गड येथे विविध उपक्रमांचे आयोजन करण्यात आले आहे. यावेळी राज्याच्या पर्यावरण मंत्री पंकजा मुंडे यांच्यासह मान्यवरांची उपस्थिती राहणार आहे.

यामध्ये 2 जून रोजी वैद्यनाथ मंदिर परिसरात कापडी पिशवी मशीनचे उद्घाटन केले जाणार आहे. याबरोबरच मंदिर परिसरात स्वच्छता मोहीम व वैद्यनाथाची महाआरती केली जाणार आहे. यानंतर आनंदधाम परिसरात वृक्षारोपण केले जाणार आहे.

त्यासोबतच 3 जून रोजी गोपीनाथ गड येथे रक्तदान शिबीर व आरोग्य तपासणी शिबिराचे आयोजन करण्यात आले आहे. त्यासोबतच वृक्ष रोपांचे वाटप केले जाणार आहे. तरी या सर्व कार्यक्रमास नागरिकांनी मोठया संख्येने उपस्थित राहावे, असे आवाहन करण्यात आले आहे.