Thackeray-Shinde Politics: संजय राऊत कलयुगातील शकुनीमामा; शिरसाटांचा पलटवार

Sanjay Shirsat Replied to Sanjay Raut : खासदार संजय राऊत हा कालियुगातील शकुनी मामा आणि आता उद्धव ठाकरे धृतराष्ट्र झाले आहेत, अशी घणाघाती टीका आमदार संजय शिरसाट यांनी केली आहे. इतकेच नव्हे तर, आमच्या अयोध्या दौऱ्यावर टीका करता, आम्हाला मिळणारा प्रतिसाद पाहून संजय राऊत (Sanjay Raut) यांना पोटशूळ उठलाय, म्हणून ते आम्हाला रावण रामाला भेटायला गेल्याचं म्हणाले, असा टोलाही शिससाट यांनी लगावला आहे. (Sanjay Raut is Shakunimama of Kalyuga and Uddhav Thackeray is Dhritarashtra; Shirsat's Reply)

संजय राऊत हे राष्ट्रवादी काँग्रेसचे अध्यक्ष शरद पवार (Sharad Pawar) यांना राम आणि उद्धव ठाकरे यांना लक्ष्मण करतील. ते धमक्या आल्या म्हणतात ,लोक मारतील म्हणून यांना सुरक्षा हवीये. संजय राऊत टिनपाट आहे, त्याला काय गांभीर्याने घ्यायचे, असेही शिरसाट यांनी म्हटलं आहे. तसेच, आमच्यात कुठलीही फूट नाही. सगळे आमदार अयोध्येला आले होते. काही कामानिमित्त एक 2 आले नसतील. संजय राऊत काम नसल्याने टीका करतोय, असा टोलाही शिरसाटांनी लगावला आहे.

त्याचवेळी ठाकरे गटाचे नेचे अंबादास दानवे यांनी अयोध्या दौऱ्यात मुख्यमंत्र्यांसोबत गेलेल्या मंत्र्यांना गुंड म्हण टिका केली होती. या टिकेलाही शिरसाटांनी उत्तर दिलं आहे. अंबादास यांना काम नाही लोकांचे पाहावे वाकून इतकेच उद्योग त्यांना आहेत. तसेच जो गुन्हेगार असेल तर कायदा काम करेल यांनी ताण घेऊ नये, असही शिरसाटांनी म्हटलं आहे. शरद पवार दाऊदच्या विमानात बसले होते असे ते म्हणतात, मग पवार गुन्हेगार झाले का, असा सवालही शिरसाटांनी विचारला आहे.

तसेच, सर्वोच्च न्यायालयात आज वकील आशिष गिरी यांनी शिवसेना भवन मुख्यमंत्री एकनाथ शिंदे यांच्या ताब्यात देण्यासाठी याचिका दाखल केली आहे. यावरही शिरसाटांनी भूमिका स्पष्ट केली आहे. ''आम्ही पहिल्यांदा सांगितलं आहे, शिवसेना भवन मंदिर आहे, आम्हाला त्यांनी घडवलं आहे. आम्हाला भवन आणि संपत्ती नको, कुणी याचिका दाखल केली असेन तर याचिका आणि आमचा संबंध नाही, आम्ही बाळासाहेबांच्या विचारांशी गद्दारी करणार नाही. याचिका आणि आमचा संबंध नाही. आमचा त्या वकीलाशी संबंध नाही, हे पाप आम्ही करणार नाही. असंही त्यांनी स्पष्ट केली आहे.