ShivSena News : पंकजा मुंडेंचं पक्षात स्वागतच, ; शिंदेंचं मोठं विधान

ShivSena News : भाजपच्या नेत्या पंकजा मुंडे (pankaja munde) या नाराज असल्याची चर्चा पुन्हा सुरु झाल्या आहेत. यापूर्वीही त्या नाराज असल्याची भावना त्यांनी आपल्या भाषणातून व्यक्त केली होत्या. (ShivSena Latest News)

पंकजा मुंडेंच्या नाराज असल्याची भावना लक्षात घेऊन त्यांना यापूर्वी एमआयएममध्ये सहभागी होण्याचे आवाहन एमआयएमने दिले होते. त्यानंतर "शिवसेनेत त्यांचे स्वागत,' असल्याचे एका आमदाराने म्हटले आहे.

पंकजा मुंडे यांच्या नाराजीबाबत ठाकरे गटाचे आमदार सुनील शिंदे यांनी भाष्य केलं आहे. पाथर्डी तालुका दौऱ्यावर असताना त्यांनी हे विधान केलं आहे.

"पंकजा मुंडे फार मोठ्या नेत्या आहेत. त्यांचा पक्ष खूप मोठा आहे. त्यामुळे त्यांचं मत आणि त्यांच्या क्रिया-प्रतिक्रियेशी माझा काहीही संबंध नाही. त्यांच्यावर अन्याय होतोय, हे आम्हाला दिसतयं. पण त्या आणि त्यांच्या पक्षातील हा अंतर्गत प्रश्न आहे. त्यामध्ये मी काहीही बोलणार नाही. पण त्यांच्या कर्तुत्वाला आम्ही नेहमीच सलाम करत राहू. पंकजा मुंडे यांचं शिवसेना पक्षात स्वागत आहे,” असे शिंदे म्हणाले.

पंकजा मुंडेंना त्यांच्या पक्षात मिळणाऱ्या वागणुकीवरून राष्ट्रीय समाज पक्षाचे प्रमुख महादेव जानकर यांनी अनेकदा जाहीर नाराजी व्यक्त केली आहे.

आगामी निवडणुकीत पंकजा मुंडे आणि रासपाचं वेगळं समीकरण दिसणार का असा प्रश्न महादेव जानकरांना पत्रकारांनी विचारला. यावर त्यांनी आपली भूमिका स्पष्ट केली. ते गुरुवारी (काल) पंढरपूरमध्ये राष्ट्रीय समाज पक्षाच्या मेळाव्याला आले असताना माध्यमांशी बोलत होते.

जानकर म्हणाले, “पंकजा मुंडे माझ्या बहिण जरी असल्या, तरी त्या भाजपाच्या सहसचिव आहेत. त्यामुळे त्या भाजपातच राहणार आहेत. मी नाराज असल्याचा काहीच प्रश्न नाही. माझ्या चौकात, पश्चिम महाराष्ट्रात माझे किती आमदार आहेत? पंढरपूरला किती नगरसेवक आहेत? किती जिल्हा परिषद सदस्य आहेत? त्यामुळे मी नाराज नाही.”

जानकर म्हणाले,"“प्रत्येक पक्षाची एक थिअरी असते. माझ्या पक्षात कोणाला कुठे हे मी ठरवणार, तसंच भाजपाचं आहे. त्यामुळे बहिण असली तरी पंकजा मुंडेंचा पक्ष वेगळा आहे. त्यांना कोणतं पद द्यायचं हा त्यांच्या पक्षातील अंतर्गत प्रश्न आहे. मी त्यावर बोलणं योग्य नाही,”