Beed News, 06 Feb : मस्साजोगचे सरपंच संतोष देशमुख (Santosh Deshmukh) यांच्या हत्येच्या घटनेपासून बीड जिल्हा चर्चेत आला आहे. बीडमध्ये पोलिसांना कुणी जुमानत नसल्याचं बोललं जात आहे. सरपंच देशमुख यांच्या हत्येपासून बीडमधील गुन्हेगारीच्या अनेक घटना उघडकीस येत आहेत.
या सर्व घटनांमुळे बीडमधील (Beed) पोलिस प्रशासनाबाबत संपूर्ण राज्यात उलटसुलट चर्चा सुरू आहेत. अशातच आता आणखी एक धक्कादायक घटना घडली उघडकीस आल्यामुळे बीडमधील गुन्हेगारांवर पोलिसांचा धाक आहे का नाही? असा प्रश्न उपस्थित झाला आहे.
कारण संतोष देशमुख हत्या प्रकरणाच्या बातम्या का पाहतो? असा सवाल करत फरार आरोपी कृष्णा आंधळेच्या (Krishna Andhale) दोन मित्रांनी एका तरुणाला मारहाण केल्याची घटना उघडकीस आली आहे. त्यामुळे आता पु्न्हा एकदा बीडमधील कायदा सुव्यवस्थेबाबत प्रश्न उपस्थित केले जात आहेत.
बीडच्या धारूर येथील अशोक मोहिते हा तरूण संतोष देशमुख यांच्या हत्या प्रकरणाशी संबंधित बातम्या पाहत होता. यावेळी फरार आरोपी कृष्णा आंधळे याचे मित्र वैजनाथ बांगर आणि अभिषेक सानप यांनी अशोक मोहितेला गंभीर मारहाण केली. शिवाय "मुंडे साहेबांच्या आणि वाल्मिक अण्णाच्या (Walmik Karad) बातम्या आणि व्हिडिओ बघितले तर तुझा पण संतोष देशमुख करु" अशी धमकीही दिली.
या मारहाणीत त्याला आठ टाके पडले आहेत. सुरूवातीला त्याच्यावर अंबाजोगाईतील शासकीय रुग्णालयात उपचार सुरू होते. मात्र, डोक्याला झालेल्या गंभीर जखमेमुळे अशोक मोहितेला लातूरच्या रुग्णालयात हलवण्यात आलं आहे. धक्कादायक बाब म्हणजे अशोक मोहितेला मारहाण करून हे आरोपी फरार झाले आणि त्यानंतर या दोघांनी कृष्णा आंधळेच्या वाढदिवसानिमित्त आंधळेचे फोटो स्टेटसला ठेवून त्याला शुभेच्छा दिल्या.
यावेळी त्यांनी 'हॅप्पी बर्थडे ब्रदर, 'मिस यू भाई' असं कॅप्शन स्टेटस ठेवताना लिहिलं होतं. त्यामुळे आता काल खुद्द राज्याचे गृहमंत्री देवेंद्र फडणवीस (Devendra Fadnavis) यांनी बीडमध्ये येऊन संतोष देशमुख यांच्या हत्येसारख्या घटना खपवून घेतल्या जाणार नसल्याचा सज्जड दम भरला होता. तरीही बीडमधील गुन्हेगारांवर काहीच फरक पडला नसल्याचं पाहायला मिळत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.