Uddhav Thackeray Speech : 'वज्रमूठ सभेला प्रतिसाद नव्हता, बाहेरून माणसं आणली'; उद्धव ठाकरेंना कोणी डिवचलं?

Uddhav Thackeray Speech : छत्रपती संभाजीनगरमध्ये आज महाविकास आघाडीची (Mahavikas Aghadi NewS) संयुक्त सभा होत आहे. या सभेला वज्रमूठ (Vajramuth Sabha) सभा असे नाव देण्यात आले आहे. या सभेला माजी मुख्यमंत्री व शिवसेना ठाकरे गटाचे प्रमुख उद्धव ठाकरे, विरोधीपक्षनेते अजित पवार, राष्ट्रवादीचे प्रांतअध्यक्ष जयंत पाटील, माजी मुख्यमंत्रीअशोक चव्हाण यांच्यासह महाविकास आघाडीचे दिग्गज नेते उपस्थित राहिले आहेत. यावर आता खासदार जलील यांनी प्रतिक्रिया दिली आहे.

"वज्रमूठ सभेला प्रतिसाद दिसत नव्हता, सभेला बाहेरून लोकं आणली होती, असे संभाजीनगरचे खासदार इम्तियाज जलील यांनी म्हंटले आहे. "महानगर पालिकेत त्यांची इतकी वर्षे सत्ता होती आपण पाणी लोकांना देवू शकलो नाही, शहराला तुम्ही नवीन नावे देवून गेलेले आहात. तुम्ही वारंवार जे मुद्दे काढता, लोकं त्रस्त झालेले आहेत. लोकांना रोजगार पाहिजे, पाणी पाहिजे. चांगले रस्ते पाहिजे," असे जलील म्हणाले.

दरम्यान, उद्धव ठाकरे यांनी आजच्या सभेतूव भाजप - शिंदे गटावर टीका केली. उद्धव ठाकरे म्हणाले, ''एक गद्दार सुप्रिया सुळे यांना शिवी देतो, मग तुमचं हेच का हिंदुत्व? एक गद्दार सुषमा अंधारे यांच्याबद्दल खालच्या पातळीवर टीका करतो. अशा लोकांच्या तोंडून हिंदुत्व बोलायची लायकी नाही. जर हे शिवसेनेत असते तर त्यांची तसं बोलायची हिंमत झाली नसती."

"अन्यथा त्यांना लाथ मारून गेटआऊट म्हटलं असतं. मतं पटत नसतील, तर मतांवर बोला. पण महिलांविषयी बोलणं खपवून घेतलं जाणार नाही. अशा लोकांनी गौरव यात्रा काढली. हे शोभत नाही'', असं म्हणत ठाकरेंनी अब्दुल सत्तार आणि संजय शिरसाट यांना सुनावलं.