मुंबई : महाराष्ट्र नवनिर्माण सेनेचे राजकारण आजपासून शिवतीर्थावरुन चालणार आहे. पक्षाचे प्रमुख राज ठाकरे (Raj Thackeray) यांनी आज भाऊबीजेच्या मुहूर्तावर नवीन घरात प्रवेश केला आहे. मुलगा अमित ठाकरे यांच्या हस्ते घराची पूजा करून गृहप्रवेश करण्यात आला. राज यांचे जुने निवासस्थान असलेल्या दादरमधील 'कृष्णकुंज' आणि शिवाजी पार्कच्या शेजारीच त्यांचे हे नवीन पाच मजली निवासस्थान आहे.
राज यांचा बालपणापासून मनसे अध्यक्षपदापर्यंतचा प्रवास ‘कृष्णकुंज’ने पाहिला आहे. त्यांना भेटण्यासाठी अनेक मोठ-मोठ्या हस्ती या थेट ‘कृष्णकुंज’वर येत असत. पण, मनसे प्रमुख आता नव्या घरात राहायला गेले आहेत.
बड्या नेत्यांसह राज्यातील मनसे कार्यकर्त्यांचा राबता हा कायम ‘कृष्णकुंज’वर असायचा. त्यामुळे ‘कृष्णकुंज’ प्रमाणेच नव्या घराचीही ओळख निर्माण होणार आहे. नव्या इमारतीत मनसेच्या मुख्य कार्यालयासह ग्रंथालयही असणार आहे. व्यंग्यचित्र काढणे हा राज ठाकरे यांचा छंद आहे. वाचन करणेही त्यांना आवडते, त्यामुळे राज यांच्या नव्या इमारतीमध्ये एक मोठे ग्रंथालयही असणार आहे. या इमारतीच्या पहिल्या मजल्यावर समिती कक्ष असणार आहे. विशेष म्हणजे महाराष्ट्र नवनिर्माण सेनेचे मुख्य कार्यालयही याच इमारतीमध्ये असणार आहे. त्यामुळे ‘कृष्णकुंज’प्रमाणेच नवे घरही अगदी पहिल्या दिवसापासून कार्यकर्त्यांनी गजबजून जाणार, यात कोणतीही शंका नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.