Mumbai News: गेल्या निवडणुकीत (2017) शिवसेनेचे 84 नगरसेवक निवडणूक आले होते. त्या जागा आपल्याला मिळाव्यात, अशी आग्रही मागणी एकनाथ शिंदे यांच्या शिवसेनेने केली आहे. मात्र भाजपने या जागा देण्यास नकार दिल्याची विश्वसनीय सुत्रांची माहिती आहे. भाजपचा या जागांवर दाला असल्याचे कळते. त्यामुळे शिंदेसेनेला गेल्या वेळी जिंकलेल्या जागा देण्यात भाजपने ठाम नकार दिल्याची माहिती सुत्राकडून समजते.
शिवसेनेत फूट पडल्यानंतर फक्त 47 नगरसेवक एकनाथ शिंदे यांच्यासोबत गेले आहेत. नुकत्याच झालेल्या शिवसेना-भाजपच्या जागावाटपात शिवेसेनेला 52 जागा देण्यास भाजपने होकार दिला आहे. पण शिवसेनेने 84 जागांवर दावा केला आहे. शिवसेना फुटल्यानंतर अनेक नगरसेवक हे उद्धव ठाकरे यांच्या सेनेसोबत आहे. त्यामुळे शिंदेसेनेला 70 जागा भाजप देणार असल्याचे समजते. 2017च्या निवडणुकीत भाजपने 82 जागा जिंकल्या होत्या.
मुंबई महापालिका निवडणुकीच्या पार्श्वभूमीवर दादर वसंत स्मृती भवन इथे शिवसेना शिंदे गट आणि भाजपमध्ये महत्त्वाची बैठक झाली आहे. या बैठकीमध्ये भाजपने जागा वाटपासंदर्भात शिवसेना शिंदे गटाची गोची केल्याची माहिती समोर येत आहे. शिवसेना शिंदे गटाकडून निम्म्या जागांवर या बैठकीमध्ये दावा केला आहे. मात्र दुसरीकडे या बैठकीमध्ये भाजपकडून गेल्या निवडणुकीत शिवसेनेनं जिंकलेल्या जागांवरही भाजपकडून दावा करण्याची आल्याची माहिती सूत्रांकडून समोर आली आहे.
2017 च्या निवडणुकीत बंडखोरीमुळे पराभूत झालेल्या भाजप उमेदवारांना पडलेली मते आणि बंडखोर उमेदवाराला मिळालेली मते तेथील शिवसेनेच्या विजयी उमेदवारापेक्षा जास्त असतील तर त्या जागेवरही भाजपकडून दावा करण्यात आल्याची माहिती समोर आली आहे.
मात्र 2017 मध्ये मुंबई महानगरपालिकेच्या प्रभागांची पुनर्रचना झाल्याने शिवसेना शिंदे गटाने भाजपचा दावा खोडून काढल्याची माहिती आहे. 2014 च्या आधारावर जागा वाटप करणे योग्य नाही. त्यावेळची आकडेवारी आताच्या जागावाटपासाठी योग्य ठरणार नाही, अशी भूमिका शिवसेनेने बैठकीत घेतली आहे. पुण्यात मात्र महायुतीतील अजित पवार यांची राष्ट्रवादी आणि भाजप स्वबळावर लढणार असल्याची माहिती आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.