Mumbai news : राज्यातील 246 नगरपालिका व 42 नगरपंचायतींच्या सदस्यपदासाठी आणि थेट नगराध्यक्षपदाच्या सार्वत्रिक निवडणुकांसाठी 2 डिसेंबरला मतदान होणार आहे. अवघ्या सहा दिवसावर मतदान आल्याने सर्वत्र प्रचार जोरात सुरु आहे. प्रचाराचा कालावधी संपण्यासाठी चार दिवस हातात आहेत. त्यातच आता मंगळवारी 2 डिसेंबरला होत असलेल्या मतदानाच्या वेळेत निवडणूक आयोगाकडून बदल करण्यात आला आहे. त्यानुसार आता 2 डिसेंबरला सकाळी 7.30 ते सायंकाळी 5.30 पर्यंत मतदानाची वेळ असणार आहे. तर मतमोजणी 3 डिसेंबरला सकाळी 10 पासून सुरु होणार आहे.
राज्यातील 246 नगरपालिका व 42 नगरपंचायतींच्या सदस्यपदासाठी आणि थेट नगराध्यक्षपदाच्या राज्यातील नगरपरिषद आणि नगरपंचायतीच्या मतदानासाठी निवडणूक आयोगाची यंत्रणा सज्ज झाली आहे. या निवडणुकांसाठी राज्यभरातुन एकूण 1 कोटी 7 लाख 3 हजार 576 मतदार मतदानाचा हक्क बजावणार आहेत. त्यासाठी सुमारे 13 हजार 355 मतदान केंद्रांची व्यवस्था करण्यात आल्याची माहिती निवडणूक आयोगाने दिली आहे.
मंगळवारी होत असलेल्या या निवडणुकांसाठी ईव्हीएम मशीनचा व्यवस्था करण्यात आली असून त्यात 13 हजार 726 कंट्रोल युनिट आणि 27 हजार 452 बॅलेट युनिटची उपलब्धता करण्यात आली आहे. सदस्यपदासाठी आणि थेट अध्यक्षपदाच्या सार्वत्रिक निवडणुकांसाठी आता 2 डिसेंबरला सकाळी 7.30 ते सायंकाळी 5.30 पर्यंत मतदानाची वेळ असणार आहे. तर मतमोजणी 3 डिसेंबरला सकाळी 10 वाजेपासून सुरु होणार आहे.
निवडणुकीसाठी यंत्रणा सज्ज
राज्यातील नगरपरिषद आणि नगरपंचायतींच्या या निवडणुकांसाठी 288 निवडणूक निर्णय अधिकारी आणि 288 सहायक निवडणूक निर्णय अधिकाऱ्यांची नियुक्ती करण्यात आली आहे. तर 66 हजार 775 इतके अधिकारी आणि कर्मचारी तैनात करण्यात आले आहेत. राज्यातील या निवडणुकीसाठी यंत्रणा सज्ज झाली आहे. या निवडणुकीसाठी एकूण मतदार- 1,07,03,576 आहेत तर पुरुष मतदार- 53,79,931 तर महिला मतदार- 53,22,870 इतक्या आहेत. इतर मतदार- 775 आहेत.
दुबार नावे आता अशी ओळखता येणार
नगरपरिषद आणि नगरपंचायतींच्या या निवडणुकांसाठी मतदार यादी प्रसिद्ध करण्यात आली आहे. त्यामध्ये स्थानिक स्वराज्य संस्थांच्या मतदार यादीतील संभाव्य दुबार मतदाराच्या नावासमोर (**) असे डबल स्टार चिन्ह आहे. त्यामुळे दुबार असलेले नाव ओळखता येणार आहे. त्यामुळे ज्याच्या नावासमोर ते चिन्ह आहे त्याने कुठे मतदान करणार आहोत याची माहिती देणे आवश्यक आहे. अशा मतदाराने एका ठिकाणी मतदानाचा हक्क बजावला तर दुसऱ्या ठिकाणी तशी माहिती देण्यात येणार आहे. त्यामुळे दोन ठिकाणी त्याला मतदान करता येणार नाही, असे निवडणूक आयोगाकडून स्पष्ट करण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.