Chhagan Bhujbal : महाराष्ट्रात उद्या मोठा धमाका; नाराज छगन भुजबळ घेणार अमित शाहांची भेट ?

Mumbai News : महायुती सरकारच्या शपथविधी सोहळ्यात माजी मंत्री छगन भुजबळ यांची मंत्रिपदी वर्णी लागेल अशी शक्यता होती. मात्र, त्यांना मंत्रिपद देण्यात न आल्याने ते नाराज होते. मुंबईत झालेल्या राष्ट्रवादी कॉँग्रेसच्या पहिल्याच बैठकीस माजी उपमुख्यमंत्री छगन भुजबळ हे उपस्थित राहिले नव्हते. त्यामुळे उलटसुलट चर्चांना सुरुवात झाली होती.

गेल्या काही दिवसापासून नर्ज असलेलया भुजबळांकडून 'वेट अँड वॉच'चीच भूमिका घेतली जात होती. शिर्डीतील अधिवेशनाला ते उपस्थित होते. मात्र, त्यांनी भूमिका स्पष्ट केली नाही. त्यातच आता गेल्या काही दिवसपासून नाराज असलेले भुजबळ राष्ट्रवादीला रामराम ठोकून भाजपमध्ये प्रवेश करणार असल्याच्या चर्चांनी जोर धरला आहे.

केंद्रीय गृहमंत्री अमित शाह (Amit Shah) शुक्रवारी नाशिक दौऱ्यावर येत आहेत. यावेळी त्र्यंबकेश्वर मंदिरात अमित शाह पूजा करणार आहेत. येथील दर्शनानंतर शाह हे मालेगावकडे रवाना होणार आहेत. मालेगावात अमित शाहांच्या उपस्थितीत सहकार परिषदेचे आयोजन करण्यात आले आहे. परिषदेत ते मार्गदर्शन करणार आहेत.

केंद्रीय मंत्री शाह शुक्रवारी महाराष्ट्रात येत आहेत. त्यांची मालेगाव येथे सभा होणार असून यावेळी शाह यांची छगन भुजबळ हे भेट घेण्याची शक्यता आहे. या भेटीमध्ये भाजप (BJP) प्रवेशाबाबत चर्चा होणार असल्याचे समजते. त्यामुळे यावेळी चर्चेत पुढील रणनीती ठरणार आहे. त्यामुळे लवकरच भुजबळ हे भाजपमध्ये प्रवेश करतील, असे संकेत मिळत आहेत.

या ठिकाणी आयोजित करण्यात आलेल्या परिषदेत सहकार क्षेत्रासाठी शाह काय घोषणा करतात का याकडे सर्वांचे लक्ष लागले आहे.