Ajit Pawar alliance : संजय राऊतांचा ‘राजकीय बॉम्ब’! ‘पवार फॅमिली रीयुनियन’चा इशारा? अजितदादा लवकर आघाडीत दिसतील

Maharashtra political news : शिवसेना उद्धव बाळासाहेब ठाकरे सेना पक्षाचे खासदार संजय राऊत यांच्या एका दाव्याने महाराष्ट्रातील राजकारण पुन्हा ढवळून निघू लागलं आहे.

'शरद पवार आणि अजित पवार हे लवकरच एकत्र येतील, ते सध्या एका चिन्हावर लढत आहेत, अन् अजितदादा हे आघाडीत असतील, असा आम्हाला विश्वास आहे,' असा खळबळजनक दावा खासदार संजय राऊत यांनी केला आहे.

महापालिका निवडणुकीत शरद पवार आणि अजित पवार (Ajit Pawar) यांचे पक्ष पुण्यात एकत्र आले. पण होमग्राऊंडवर पराभवाचा धक्का बसला. यानंतर आता जिल्हा परिषद निवडणुकांना समोरे जाताना दोन्ही पवारांचे पक्षांची बहुतांशी ठिकाणी झाल्याचे दिसते. यामुळे आगामी काळात दोन्ही पवार पक्ष एकमेकांमध्ये विलीन होणार, अशी चर्चा आहे. यातच शिवसेना ठाकरे सेना पक्षाचे खासदार संजय राऊत यांनी दोन्ही पवार राजकीय दृष्ट्या एकत्र येणार असल्याचा दावा करताना, अजितदादा लवकरच आघाडीत दिसतील, असे विधान केल्याने राज्याच्या राजकारणात खळबळ उडाली आहे.

शरद पवार आणि अजित पवार यांचे पक्ष एकत्र होताना दिसत असल्याचे सांगताना शिवसेनेचे (Shivsena) खासदार संजय राऊत म्हणाले, "शरद पवार यांच्यासह अजित पवार हे लवकरच महाविकास आघाडीत असतील, असा आमचा विचार आहे. अजित पवार महायुतीत आहेत. पण शरद पवार यांच्याबरोबर ते दिसत आहेत. शरद पवार हे महाविकास आघाडीत आहेत. पण अजित पवार यांनी महाविकास आघाडीबरोबर पाट लावला दिसतो आहे."

शरद पवार अन् अजित पवार यांच्या एकत्र येण्यात बऱ्याच घडामोडी दिसत असल्याचे भाष्य करताना, "अजित पवार यांना काहीतरी सोडावे लागेल आणि काहीतरी स्वीकारावे लागेल, याचा निर्णय अजितदादा यांना घ्यावा लागेल, ते दोन दगडांवर पाय ठेवू शकत नाहीत," असेही संजय राऊत यांनी म्हटले आहे.

अजित पवार यांच्या सिंचन घोटाळ्याच आणि छगन भुजबळ यांच्या महाराष्ट्र सदन घोटाळ्याचा दाखल देताना, पंतप्रधान नरेंद्र मोदी यांनी आता कितीही गर्जना केली, तरी अजित पवार अन् छगन भुजबळ यांचे काहीही होत नाही. मेलेल्या मेंढराला आगीची भीती नसते. छगन भुजबळ यांना न्यायालयाने क्लीन चीट दिली आहे. आता राज्याच्या गृहखात्यापासून ते ईडीपर्यंत सर्वांनी प्रायश्चित केलं पाहिजे, असेही संजय राऊत यांनी म्हटले.