Jalna Latest Politics : मराठा आरक्षणासाठी ओबीसी आरक्षणाला धक्का लागू नये, या मागणीसाठी ओबीसी नेते लक्ष्मण हाके उपोषणाला बसले आहेत. त्यांच्या उपोषणाचा गुरुवारी आठवा दिवस आहे. काँग्रेसचे नेते व विधानसभेतील विरोधी पक्षनेते विजय वडेट्टीवार यांनी उपोषणस्थळी जाऊन हाकेंची तब्बेतीची विचारपूस केली.
हाके यांच्यासोबत नवनाथ वाघमारे हेही उपोषण करत आहेत. वडेट्टीवार यांनी यापुर्वीच या आंदोलनाला आपला पाठिंबा जाहीर केला आहे. त्यानंतर त्यांनी गुरूवारी उपोषणस्थळी जाऊन त्यांच्या तब्बेतीची विचारपूस केली. त्यांची खालावलेली प्रकृती पाहून वडेट्टीवारांना अश्रू अनावर झाले.
हाके यांच्या तब्बेतीची विचारपूस करत असतानाच वडेट्टीवारांच्या डोळे पाणावले. भावूक झालेल्या वडेट्टीवारांनी त्यानंतर स्वत:ला सावरत थेट मुख्यमंत्री एकनाथ शिंदे यांना फोन लावला. दोघांमधील संवाद उपस्थितांनाही स्पीकरवरून ऐकवण्यात आला.
वडेट्टीवार यांनी मुख्यमंत्री शिंदे यांना हाकेंच्या मागण्यांविषयी सांगत त्यांची दखल घेण्याची विनंती केली. सरकारी शिष्यमंडळ हाकेंच्या भेटीसाठी न आल्याबद्दल त्यांनी आधी नाराजीही व्यक्त केली.
त्यानंतर मुख्यमंत्र्यांनी शुक्रवारीच शिष्टमंडळ पाठवतो, असे आश्वासन दिले. ओबीसींवर अन्याय होऊ देणार नाही, हाकेंनी तब्बेतीची काळजी घ्यावी, असेही मुख्यमंत्री शिंदे फोनवर बोलताना म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.