वडगाव शेरी मतदारसंघात झालेल्या राड्यात आमदार बापू पठारे आणि त्यांच्या समर्थकांना धक्काबुकी झाली होती.
या प्रकरणात ॲड. सचिन पठारे यांना मारहाण झाल्याचे सांगितले जात होते, मात्र त्यांनीच आता ते नाकारले आहे.
त्यांच्या या भूमिकेमुळे प्रकरणाला नवे वळण मिळाले असून राजकीय वर्तुळात चर्चेला उधाण आले आहे.
Pune News : वडगाव शेरी विधानसभा मतदारसंघात घडलेल्या राड्याला आता नवा नाट्यमय ट्विस्ट मिळालाय. या प्रकरणात आमदार बापू पठारे आणि त्यांच्या समर्थकांना झालेल्या धक्काबुक्कीची चर्चा रंगली असताना, “मार खाणारा सचिन पठारे मी नव्हेच” असं म्हणत ॲड. सचिन पठारे यांनी माध्यमांसमोर स्पष्टीकरण दिलं आहे.
शनिवारी लोहगाव येथील गाथा लॉन्समध्ये आमदार बापू पठारे एका सार्वजनिक कार्यक्रमासाठी गेले होते. कार्यक्रमादरम्यान त्यांचं आणि बंडू खांदवे यांचं शाब्दिक चकमकीत रूपांतर झालं. या वादानंतर दोन्ही गटातील समर्थकांमध्ये गोंधळ उडाला आणि काहींना मारहाण झाल्याची माहिती मिळाली. यानंतर विमानतळ पोलीस ठाण्यात याप्रकरणी बंडू खांदवे यांच्यासह 20 जणांवर गुन्हा दाखल करण्यात आला आहे.
दरम्यान, या राड्यात ‘सचिन पठारे’ नावाच्या तरुणाला मारहाण झाली असल्याचं वृत्त समोर आले होते. त्याच नावाचा दुसरा तरुण ॲड. सचिन पठारे आता चर्चेत आला. मात्र त्यांनी स्पष्ट केलं की, “मार खाणारा सचिन पठारे मी नाही. माझं या घटनेशी काहीही संबंध नाही. नामसाधर्म्यामुळे अनेक जण मला फोन करून विचारपूस करत आहेत, ज्यामुळे मला मानसिक त्रास होत आहे.”
ॲड. पठारे हे भाजपचे कार्यकर्ते असून पूर्वी आमदार बापू पठारे यांचे समर्थक होते. काही दिवसांपूर्वी त्यांनी अधिकृतपणे भारतीय जनता पक्षात प्रवेश केला होता. “मी आगामी महानगरपालिका निवडणुका लढविण्याची तयारी करत आहे.
मात्र या घटनेमुळे माझी विनाकारण बदनामी झाली आहे. याचा माझ्या प्रतिमेवर परिणाम होत असल्याचे आता पठारे यांनी म्हटलं आहे. तसेच त्यांनी स्पष्ट केलं की, “आता माझे आणि बापू पठारे यांचे कोणतेही संबंध नाहीत. या घटनेत माझं नाव जोडणं चुकीचं आणि दिशाभूल करणारं आहे.”
या साऱ्या घडामोडींमुळे वडगाव शेरी मतदारसंघातील राजकारण पुन्हा एकदा चांगलंच तापलं असून, आगामी निवडणुकीच्या पार्श्वभूमीवर हा राडा नक्की कोणत्या दिशेने वळतो, याकडे सर्वांचे लक्ष लागले आहे."
प्र.1: वडगाव शेरीत कोणत्या प्रकरणामुळे वाद निर्माण झाला?
👉 आमदार बापू पठारे आणि समर्थकांमधील धक्काबुकीच्या घटनेमुळे हा वाद उभा राहिला.
प्र.2: ॲड. सचिन पठारे यांची भूमिका काय आहे?
👉 त्यांनी स्पष्ट केले की त्यांना कोणतीही मारहाण झालेली नाही.
प्र.3: या प्रकरणात नवा ट्विस्ट काय आहे?
👉 पूर्वी मारहाण झाल्याचे सांगितले गेलेले ॲड. पठारे यांनी आता ते नाकारले आहे.
प्र.4: या घटनेचा राजकीय परिणाम काय होऊ शकतो?
👉 या प्रकरणामुळे वडगाव शेरीत आणि पुण्यात राजकीय चर्चेला उधाण आले आहे.
प्र.5: पुढील तपासाची जबाबदारी कोणाकडे आहे?
👉 पुणे पोलिसांकडून या घटनेची चौकशी सुरू आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.