Solapur News: काँग्रेसचे प्रदेशाध्यक्ष नाना पटोले यांनी आज सिद्धेश्वर सहकारी साखर कारखान्याचे संचालक धर्मराज काडादी यांची कारखान्यावर जाऊन भेट घेतली. काही दिवसांपूर्वी सिद्धेश्वर सहकारी साखर कारखान्याच्या कोजनरेशनची चिमणी सोलापूर महानगरपालिकेकडून पाडण्यात आली होती. आता कारखान्याच्या या लढाईत आम्ही तुमच्या सोबत आहोत, असा विश्वास यावेळी नाना पटोले यांनी धर्मराज काडादी यांना दिला.
नाना पटोले यांनी संवाद साधत त्यांनी आपल्या भावना व्यक्त केल्या. आपलं सरकार आल्यानंतर सरकारच्या पैशातून कारखान्याची चिमणी बांधून देण्याचं आश्वासनही यावेळी त्यांनी दिलं. तसेच नाना पाटोले यांनी यावेळी माजी सहकारमंत्री सुभाषबापू देशमुख यांच्यावर अप्रत्यक्ष टीका केली. तसेच देशमुख यांचे घरही अनधिकृत जागेत असल्याचा दावा यावेळी नाना पटोले यांनी केला.
सोलापूरच्या दोन्ही विद्यमान आमदार आणि माजी मंत्री देशमुखांचं एकमेकांबरोबर पटत नाही. त्यातील एका देशमुखांचं तर घर अतिक्रमणातच आहे, असं म्हणत नाना पाटोले यांनी माजी सहकार मंत्री सुभाषबापू देशमुख यांवर अप्रत्यक्ष टीका केली. तसेच काँग्रेसची सत्ता आल्यानंतर सरकारच्या पैशातून ही चिमणी बांधून देऊ, असा विश्वासही त्यांनी कारखान्यातील कामगारांना दिला.
दरम्यान, सोलापूरचे सध्याचे खासदार हे लिंगायत धर्माचे गुरुजी आहेत. पण गुरुजी आहेत, म्हणून लोकांनी वोट मारली आणि सुशीलकुमार शिंदे सारख्या चांगल्या माणसाला पाडलं, त्यामुळे मी त्यांच्याबद्दल काही बोलणार नाही, असं म्हणत त्यांनी अधिक बोलणं टाळलं.
Edited By : Ganesh Thombare
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.