कराड : साऱ्या राज्याचे लक्ष लागलेल्या सातारा जिल्हा मध्यवर्ती बॅंकेच्या निकाल अगदी काही वेळातच हाती येणार आहे. त्यामुळे सहकारमंत्री बाळासाहेब पाटील (Balasaheb Patil)-आणि अॅड. उदयसिंह उंडाळकर (Udaysinh patil-undalkar) यांच्यापैकी जिल्हा बँकेत कोणाचा झेंडा असणार याचा फैसला थोड्याच वेळात होणार आहे. कऱ्हाड सोसायटी गटात रविवारी शांततेत १०० टक्के मतदान झाले आहे.
सातारा जिल्हा बॅंकेच्या निवडणूकीसाठी कऱ्हाड सोसायटी गटातुन खुद्द राज्याचे सहकार खाते ताब्यात असलेले बाळासाहेब पाटील उभे आहेत. तर त्यांच्या विरोधात दिवंगच माजी सहकारमंत्री विलासराव पाटील-उंडाळकर यांचे पुत्र अॅड. उदयसिंह पाटील- उंडाळकर यांनी उमेदवारी घेतली होती. त्यामुळे सुरुवातीपासूनच ही लढाई प्रतिष्ठेची बनली आहे. निवडणूकीसाठी रविवारी १०० टक्के मतदान झाले असून मतदारांनी दिलेला कौल आज होत असलेल्या मतमोजणीतून स्पष्ट होणार आहे.
आज सकाळी ८ वाजल्यापासून सातारा येथील सातारा जिल्हा नागरी सहकारी बँक असोसिएशनच्या हॉलमध्ये मतमोजणीला प्रारंभ झाला आहे. सध्या मतदान मतपत्रिकेचे गट्ट करण्याचे काम सुरू असून थोड्या वेळात निकाल हाती येणार आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
