देगलूर पोटनिवडणूकीसाठी कॉंग्रेसकडून जितेश अंतापूरकरांना उमेदवारी जाहीर

पंढरपूर : पंढरपूरात (Pandharpur) देगलूर (Deglur) मतदार संघाची येत्या ३० ऑक्टोबरला पोटनिवडणूक (By-polls election) जाहीर करण्यात आली. कोरोनामुळे कॉंग्रेसचे आमदार रावसाहेब अंतापूरकर (Raosaheb Antapurkar) यांचे निधन झाल्याने त्यांच्य जागा रिक्त झाली होती. या रिक्त झालेल्या जागेसाठी काँग्रेसने नुकतीच जितेश अंतापूरकरांची (Jitesh Aantapurkar) उमेदवारी जाहीर केली आहे.

तर दूसरीकडे, मात्र अशातच भाजपने शिवसेनेचा मोठा आमदार गळाला लावला आहे. देगलूरचे शिवसेनेचे माजी आमदार सुभाष साबणे यांना भाजपने उनेदवारी दिली आहे. दोन दिवसांपुर्वीच त्यांनी भाजपात प्रवेश केला.

दरम्यान गेल्या वेळी जिल्हा परिषदेच्या निवडणूकीत राष्ट्रवादी, काँग्रेस आणि शिवसेना एकत्र लढली होती. मात्र तरीही भाजापच्या उमेदवाराचा याठिकाणी विजय झाला होता. खरंतर, विद्यमान आमदार, खासदाराचे निधन झाले तर त्याच्या पत्नीला, मुलाला किंवा मुलीला उमेदवारी दिली जाते. परंतू पंढरपूरमध्ये भाजपने उमेदवारी देऊन बहुमताने विजय मिळवला.

सुभाष साबणे यांची बंडखोरी

साबणे यांना पक्षात घेण्यासाठी भाजपची बैठक झाली होती. त्या बैठकीला खासदार प्रताप पाटील चिखलीकर यांच्यासह जिल्ह्यातील आमदार, जिल्हाध्यक्ष व प्रमुख पदाधिकाऱ्यांची उपस्थिती होती. तर सुभाष साबणे भाजप नेते देवेंद्र फडणवीस यांच्या भेटीसाठी नरसी नायगावला गेले होते. देवेंद्र फडणवीस आणि सुभाष साबणे यांच्यात बंद दाराआड चर्चा झाली होती. साबणे हे शिवसेनेचे मराठवाडा प्रतोद, विधानसभेचे तालिका सभापती राहिलेले आहेत. तर ते तीन वेळा आमदार राहिलेले आहेत.