Satara NCP News : देवाला देवाच्या जागी ठेऊया... वळसे-पाटलांचा राऊतांना सल्ला

Satara NCP News : संजय राऊत हे मोठे नेते आहेत. ते नेहमीच वेगवेगळी विधान करत सल्ले देत असतात. प्रभू रामचंद्र हे सर्वांच्या अस्थेचा विषय आहे, त्यामुळे आपण देवाला देवाच्या जागी ठेऊया... असा सल्ला सहकार मंत्री दिलीप वळसे पाटील यांनी खासदार संजय राऊत यांना दिला.

सहकार मंत्री दिलीप वळसे-पाटील Dilip Walse Patil हे आज रयत शिक्षण संस्थेच्या विविध कार्यक्रमांच्या निमित्ताने साताऱ्यात आले होते.शिवसेनेचे खासदार संजय राऊत Sanjay Raut यांनी राम मंदिर उद॒घाटनाच्या पार्श्वभूमीवर भाजपवर टीका केली होती. याबाबत वळसे-पाटील यांनी संजय राऊत यांना सूचक सल्ला दिला.

भाजपने आता फक्त राम लल्लालाच निवडणुकीत उभ करायचं राहीले आहे, अशी टीका शिवसेनेचे खासदार संजय राऊत यांनी केली होती. याबाबत सहकार मंत्री दिलीप वळसे-पाटील यांनी, आता काय उत्तर देऊ याच्यावर, असे वक्तव्य केले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

संजय राऊत मोठे नेते आहेत. ते नेहमी अशी वेगवेगळी विधाने करत सल्ले देत असतात. प्रभू रामचंद्र हे सर्वांच्याच आस्थेचा विषय आहे. त्यामुळे आपण देवाला देवाच्या जागी ठेऊया, असा सल्ला वळसे-पाटील यांनी संजय राऊत यांना दिला.

Edited By : Umesh Bambare