पाथर्डी (ता. अहिल्यानगर) येथील माजी आमदार नरेंद्र घुले पाटील यांच्या शिवारातील शेतजमिनीवर घुसखोरी करुन येथे दोन पाल ठोकून राहण्याचा प्रयत्न तीन ते चार महिलांनी केला आहे. माजी आमदार नरेंद्रे घुले पाटील यांच्या कर्मचाऱ्यांना हा प्रकार कळल्यावर त्यांनी या महिलांना येथून हटवण्याचा प्रयत्न केला असता त्यांच्यात शाब्दीक वाद झाला.
पोखर्डी शिवारातील गट नंबर 180/2 मध्ये नरेंद्र घुले यांची शेतजमीन आहे. याठिकाणी गुरूवारी (16 ऑक्टोबर) सकाळी दहा वाजण्याच्या सुमारास ते आपल्या जमिनीची पाहणी करण्यासाठी ते गेले होते. यावेळी त्यांना त्यांच्या शिवारात तीन ते चार महिलांनी ताबा मारल्याचे लक्षात आहे.
नरेंद्र घुले यांच्या शेतजमिनीच्या कंपाऊंडची भिंत तीन ते चार महिलांनी फोडली, आतमध्ये प्रवेश केला. या ठिकाणी त्यांनी दोन पाल ठोकून राहण्यास सुरवात केली होती.घुले यांचे कर्मचारी करण गुंजाळ व अन्य जणांनी या महिलांना जागा खाली करण्याबाबत हटकले. तेव्हा या अनोळखी महिलांनी वाद घालण्यास सुरूवात केली. शिवीगाळ करत त्यांना दमदाटी केली.जागा सोडण्यास नकार दिला.
"आम्हाला पैसे द्या, त्याशिवाय आम्ही येथून जाणार नाही, अशी थेट धमकी देत महिलांनी माजी आमदाराकडून पैशांची मागणी केली. या संपूर्ण प्रकारानंतर नरेंद्र घुले (वय 65 रा. दहिगाव-ने, ता. शेवगाव) यांनी एमआयडीसी पोलीस ठाण्यात तक्रार दिली आहे. त्यांच्या फिर्यादीवरून, पोलिसांनी तीन ते चार अनोळखी महिलांविरूध्द गुन्हा नोंदवला आहे.
1. प्रकरण कुठे घडले?
अहिल्यानगर जिल्ह्यातील पाथर्डी तालुक्यातील पोखर्डी शिवारात हे प्रकरण घडले.
2. घुले पाटील यांच्या जमिनीवर कोणी घुसखोरी केली?
तीन ते चार अनोळखी महिलांनी जमिनीवर बेकायदेशीर ताबा मिळवण्याचा प्रयत्न केला.
3. महिलांनी काय मागणी केली?
महिलांनी “पैसे द्या, नाहीतर आम्ही जाणार नाही” अशी धमकी देत पैशांची मागणी केली.
4. पोलिसांनी काय कारवाई केली?
घुले पाटील यांच्या तक्रारीवरून एमआयडीसी पोलिसांनी महिलांविरुद्ध गुन्हा नोंदवला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.