Solapur News: महाराष्ट्र विधानपरिषद उपसभापती आणि शिवसेनेच्या नेत्या डॉ.नीलम गोऱ्हे या अपघातातून थोडक्यात बचावल्या. गोऱ्हे या सोलापूरहून पुण्याकडे निघाल्या असताना ही अपघाताची घटना घडली.
शिवसेनेच्या नेत्या डॉ.नीलम गोऱ्हे (Neelam Gorhe) यांच्या वाहनाचे दोन टायर टेंभुर्णी बायपासवर फुटले. पण धाराशिव येथील सरकारी गाडीवरील चालकानं दाखवलेल्या प्रसंगावधानतेमुळे मोठा अपघात टळला.
खड्ड्यांमुळे वाढलेला धोका
टेंभुर्णीच्या बायपास मार्गावर मोठ्या प्रमाणात खड्डे झाल्यामुळे प्रवासादरम्यान हा प्रकार घडल्याची माहिती समोर येत आहे. डॉ.गोऱ्हे यांच्या गाडीनंतर प्रवास करणाऱ्या आणखी दोन वाहनांचेही टायर त्याच परिसरात फुटले. यामुळे या रस्त्यावरील गंभीर स्थिती पुन्हा एकदा अधोरेखित झाली आहे.
तातडीची पावले उचलण्याचे निर्देश
या अपघाताच्या (Accident) घटनेनंतर डॉ.गोऱ्हे यांनी संबंधित विभागातील अधिकाऱ्यांना तत्काळ खड्डे बुजविण्याचे निर्देश दिले आहेत. नागरिक आणि प्रवाशांचे जीव धोक्यात येऊ नयेत, म्हणून त्वरित कारवाई करणे गरजेचं असल्याचं गोऱ्हे यांनी म्हटलं आहे.
या अपघातानंतर विधानपरिषदेच्या उपसभापती डॉ.नीलम गोऱ्हे पूर्णपणे सुखरूप असून त्यांची प्रकृती ठणठणीत आहे. याबाबतची माहिती ही त्यांच्या कार्यालयाकडून अधिकृतपणे देण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.