Pune Graduates Constituency: विधान परिषदेच्या निवडणुकीचे वातावरण शांत होत असताना आता पुढील काही महिन्यात पदवीधर आणि शिक्षक मतदार संघाच्या निवडणुकीला वेग येणार आहे. अशातच पुणे पदवीधर मतदारसंघावर भाजपकडून जवळपास शरद लाड यांचे नाव निश्चित समजले जात असताना राष्ट्रवादी काँग्रेसमधून भैय्या माने यांनी या उमेदवारीवर आपला दावा कायम ठेवला आहे. माने हे पदवीधर च्या निवडणुकीच्या तयारीला लागले आहेत आहेत.
पुणे पदवीधर मतदारसंघावर महायुतीमध्ये भाजप सह राष्ट्रवादी काँग्रेसने दावा केला आहे. मध्यंतरीच्या काळात पुणे पदवीधर मतदारसंघातून उमेदवारी देण्याचा शब्द घेऊन पदवीधर मतदारसंघाचे आमदार अरुण लाड यांचे चिरंजीव शरद लाड यांनी भाजपमध्ये पक्षप्रवेश केला. पक्षप्रवेश समारंभात राज्याचे उच्च आणि तंत्र शिक्षण मंत्री चंद्रकांत पाटील यांनी शरद लाड यांच्या उमेदवारी बाबत स्पष्टता दिली.
तर दुसरीकडे राष्ट्रवादी काँग्रेसमधून वैद्यकीय शिक्षण मंत्री हसन मुश्रीफ यांचे समर्थक आणि कोल्हापूर जिल्हा बँकेचे संचालक भैय्या माने यांनी तयारी सुरू केली. कोल्हापूर जिल्ह्यातून उच्चांकी पदवीधरांची नोंदणी करत उमेदवारीवर दावा कायम ठेवला आहे. येत्या वर्षभरात पदवीधरची निवडणूक लागण्याची शक्यता आहे. यंदा या मतदारसंघातील मतदारांची संख्या घटली आहे. अशातच भैय्या माने यांनी कोल्हापूर जिल्ह्यातून उच्चांकी मतदारांची नोंदणी केली असल्याचा दावा करत उमेदवारीसाठी आग्रह असल्याचा दावा सरकारनामाशी बोलताना केला आहे.
उमेदवारीवरून पुन्हा संघर्षाची चिन्हे
कोल्हापूर जिल्ह्यातील आगामी गोकुळ दूध संघाच्या निवडणुकीमध्ये भाजप आणि राष्ट्रवादी काँग्रेस मधील अंतर्गत संघर्ष सर्वश्रुत आहे. मंत्री हसन मुश्रीफ विरुद्ध भाजपचे काही नेते यांच्यातील संघर्षामुळे राजकीय वनवा पेटला आहे. अशातच पदवीधर मतदार संघाच्या उमेदवारीवरून पुन्हा एकदा भाजप आणि राष्ट्रवादी काँग्रेसमध्ये उमेदवारीवरून राजकारण तापण्याची शक्यता आहे.
जिल्हानिहाय झालेली मतदार नोंदणी
कोल्हापूर जिल्हा
पदवीधर मतदार संघासाठी झालेली मतदार नोंदणी- ८०,१८०
शिक्षक मतदार संघासाठी झालेली मतदार नोंदणी - ८,६३१
पुणे जिल्हा
पदवीधर मतदार संघासाठी झालेली मतदार नोंदणी- ५४,८१०
शिक्षक मतदार संघासाठी झालेली मतदार नोंदणी - ९,७७८
सांगली जिल्हा
पदवीधर मतदार संघासाठी झालेली मतदार नोंदणी- ७०,७२०
शिक्षक मतदार संघासाठी झालेली मतदार नोंदणी - ६,१३४
सातारा जिल्हा
पदवीधर मतदार संघासाठी झालेली मतदार नोंदणी- ३५,८७९
शिक्षक मतदार संघासाठी झालेली मतदार नोंदणी - ८,४९२
सोलापूर जिल्हा
पदवीधर मतदार संघासाठी झालेली मतदार नोंदणी- ३०,४७२
शिक्षक मतदार संघासाठी झालेली मतदार नोंदणी - ११,१९८
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.