Satara crime news: सातारा जिल्ह्यातील सावरी गावातील ड्रग्ज प्रकरणात मोठी अपडेट समोर आली आहे. उपमुख्यमंत्री एकनाथ शिंदे यांचा भाऊ प्रकाश शिंदे यांच्यावर या प्रकरणी आरोप होत असतानाच आता दुसरे उपमुख्यमंत्री अजित पवार यांच्या राष्ट्रवादी काँग्रेसमधील पदाधिकाऱ्यांचे नाव समोर येत आहे.
विशाल मोरे या प्रकरणाचा प्रमुख सुत्रधार असल्याचे प्राथमिक माहिती सातारा पोलिसांनी सांगितली. विशाल मोरे हा अजित पवार यांच्या राष्ट्रवादी काँग्रेस विद्यार्थी सेलचा प्रमुख आहे. सावरी गावात असणाऱ्या शेडवर मुंबई पोलिसांनी टाकलेल्या छाप्यात 45 किलो ड्रग्जचा साठा नुकताच सापडला आहे.
बाजारपेठेत या ड्रग्जची किंमत 145 कोटी रुपये एवढी आहे. त्या ठिकाणी काम करत असलेल्या तिघांना एकनाथ शिंदे यांचा भाऊ प्रकाश शिंदे याच्या जावळी तालुक्यातील हॉटेल तेज यश मधून जेवण जात असल्याचा असा खळबळजनक आरोप ठाकरे गटाच्या उपनेत्या सुषमा अंधारे यांनी केला आहे. प्रकाश शिंदे यांनी मात्र हा आरोप फेटाळला आहे. तर दुसरीकडे विशाल मोरे हा ड्रग्ज प्रकरणी मुंबई पोलिसांच्या ताब्यात आहे. विशाल मोरे यांच्या वागणुकीवरुन त्याला काही दिवसापूर्वी पक्षातून काढून टाकले होते, असे राष्ट्रवादीचे नेते, सुरज चव्हाण यांनी माध्यमांना सांगितले.
आत्तापर्यंत या प्रकरणी सातारा पोलिसांनी तीन जणांना अटक केली आहे. नजर अब्बास सयद उर्फ सद्दाम वय 29, राजीकुल रहमान वय 30, हाजीबुल इस्लाम वय 25 अशी तिघांची नावे आहेत. साताऱ्यातील जावळी बामनोली गावात सुरू असलेल्या ड्रग्ज कारखान्यावर कारवाई करण्यात आली होती. या कारवाईत ओंकार डिगे याचा सहभाग स्पष्ट झाल्यानंतर त्याच्यावर अटकेची कारवाई करण्यात आली आहे, अशी माहिती पोलिस सुत्रांनी दिली.
शिवसेना उद्धव बाळासाहेब ठाकरे पक्षाच्या नेत्या सुषमा अंधारे यांनी याबाबत एकनाथ शिंदे यांचा भाऊ प्रकाश शिंदे यांच्यावर गंभीर आरोप केले आहेत. या रिसॉर्टमध्ये केलेल्या कारवाईत पोलिसांना 45 किलो ड्रग्स सापडले आहे. याची किंमत 145 कोटी आहे. हे रिसॉर्ट प्रकाश शिंदे यांच्या मालकीचे आहे.
या शेडचा मालक गोविंद सिंदकर असून याच्या शेडची चावी ओंकार दिघे याने घेतली, अशी माहिती गोविंद याने दिली. ओंकार दिघे याला पोलिसांनी ताब्यात घेतले आणि सोडले. पोलिसांनी त्याला का सोडलं हे अजून माहीत नाही. मुंबई पोलिस त्याठिकाणी का गेले?, असा प्रश्न सुषमा अंधारे यांनी उपस्थित केला आहे.
ऐन निवडणुकीच्या धामधुमीत साताऱ्यातील सावरी गावात मेफेड्रॉन प्रकरण बाहेर आले आहे. याचा सूत्रधार विशाल मोरे असून तो अजित पवार यांच्या राष्ट्रवादी विद्यार्थी सेनेचा प्रमुख आहे. त्याला मुंबई क्राईम ब्रँचने त्याला ताब्यात घेतलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.