![Police recruitment News](http://media.assettype.com/sarkarnama%2F2022-12%2F73c372f4-5b16-46d8-b9b4-e5dcc442c751%2F0pune_20police_3.jpg?rect=0%2C0%2C747%2C420&w=480&auto=format%2Ccompress&fit=max)
Karad : पोलीस भरतीसाठी धावण्याचा सराव करण्यासाठी गेलेल्या दोन युवकांचा अपघाती मृत्यू झाल्याची घटना कोयनानगर परिसरात शुक्रवारी मध्यरात्री घडली.
चारचाकी आणि दुचाकीची धडक झाल्याने यात दुचाकीवरील दोन जण ठार झाले असून एक जण गंभीर जखमी झाला आहे. त्याच्यावर पाटण ग्रामीण रुग्णालयात उपचार सुरू आहेत. पोलीस भरतीची तयारी करणारे दोन्ही युवक अपघातात ठार झाल्याने हळहळ व्यक्त होत आहे.
या अपघाताची नोंद रात्री उशिरा कोयनानगर पोलीस ठाण्यात झाली आहे. कोयनानगर पोलिसांनी घटनास्थळी धाव घेत स्थानिकांच्या मदतीने जखमींना उपचारासाठी दाखल केले.
कोयना विभागातील तोरणे येथील प्रसाद आनंदा कदम (वय 23) आणि प्रणय उत्तम कांबळे (वय 22, कोयनानगर, हुंबरळी), धीरज संतोष बनसोडे (वय 18, मूळ रा.नाशिक, सध्या रा. कोयनानगर) असे तिघे दुचाकीवरून निघाले होते. गोषटवाडी गावाजवळ वळणावर समोरून आलेल्या टेम्पोची आणि दुचाकीची जोरदार धडक बसली.
यात तिघेही रस्त्यावर कोसळले. या अपघातात दुचाकीवरील धीरज हा युवक जागीच ठार झाला. तर प्रणय उत्तम कांबळे याला उपचारासाठी गाडीतून नेत असताना त्याचा मृत्यू झाला. दुचाकी चालक प्रसाद कदम हा जखमी झाला आहे. त्याच्यावर पाटण ग्रामीण रुग्णालयात उपचार सुरू आहेत, अशी माहिती पोलिसांनी दिले.
Edited By : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.