NCP News : शिरूरमध्ये नगराध्यक्षपदासह 7 जागांवर विजय मिळविणाऱ्या राष्ट्रवादी काँग्रेसला राष्ट्रवादी कॉंग्रेस शरदचंद्र पवार पक्षाकडून निवडून आलेल्या 5 नगरसेवकांनी आणि एका अपक्षाने पाठिंबा जाहीर केला आहे. यामुळे नगर परिषद निवडणुकीत 24 पैकी 11 जागा जिंकून सर्वात मोठा पक्ष ठरला असतानाही भाजपला विरोधात बसावे लागणार आहे.
शिरूर नगरपरिषदेच्या नगराध्यक्षपदासह 12 प्रभागातील नगरसेवकांच्या 24 जागांसाठी 2 डिसेंबरला मतदान झाले, त्यानंतर रविवारी (21 डिसेंबर) मतमोजणी झाली. या निवडणुकीत दोन्ही राष्ट्रवादी कॉंग्रेस व दोन्ही शिवसेनेसह भाजप आणि कॉंग्रेसचे उमेदवारही रिंगणात होते. यात राष्ट्रवादी कॉंग्रेसला 7, राष्ट्रवादी कॉंग्रेस शरदचंद्र पवार पक्षाला 5 व 1 अपक्ष विजयी झाले.
नगराध्यक्षपदासाठी अत्यंत चुरशीने झालेल्या तिरंगी लढतीत राष्ट्रवादी काँग्रेसच्या ऐश्वर्या अभिजीत पाचर्णे यांनी दणदणीत विजय मिळविला. त्यांनी राष्ट्रवादी कॉंग्रेस (NCP) शरदचंद्र पवार पक्षाच्या अलका सुरेश खांडरे यांचा 1925 मतांनी पराभव केला. भाजपच्या नगराध्यक्षपदाच्या उमेदवार सुवर्णा राजेंद्र लोळगे तिसऱ्या क्रमांकावर राहिल्या.
नगराध्यक्षपदावर राष्ट्रवादी कॉंग्रेसने मोहोर उमटवली असली तरी बहुमताची बाजी मात्र भाजपने मारली. 24 जागांपैकी 11 जिंकून भाजप (BJP) मोठा पक्ष ठरला. पण अवघ्या काही तासांत वरिष्ठ पातळीवरून काही राजकीय सूत्रे हलली. त्यानंतर नगरपरिषदेच्या पुढील राजकारणात दोन्ही राष्ट्रवादी काँग्रेसने एकत्र येण्याची घोषणा केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.