Pandharpur, 12 July : सोलापूर जिल्ह्याचा डीएनए हा राष्ट्रवादी काॅंग्रेसच्या विचारांचा आहे. जिल्ह्यातील सर्वसामान्य जनता आणि कार्यकर्ता आजही राष्ट्रवादी काँग्रेससोबतच आहे, त्यामुळे आगामी काळात सर्वांच्या मदतीतून सोलापूर जिल्ह्यात राष्ट्रवादी काँग्रेला गतवैभव मिळवून देणार आहे, अशी ग्वाही पक्षाचे सोलापूर जिल्हाध्यक्ष उमेश पाटील यांनी दिली.
राष्ट्रवादी काॅंग्रेस सर्व फ्रंटल सेल व कार्यकारणीची आढावा बैठक पंढरपुरात जिल्हाध्यक्ष उमेश पाटील (Umesh Patil) यांच्या अध्यतेखाली झाली. या वेळी राष्ट्रवादीचे प्रांतिक सदस्य कल्याणराव काळे, महिला जिल्हाध्यक्ष वर्षाराणी शिंदे, युवक काॅंग्रसेचे प्रदेश उपाध्यक्ष समाधान काळे, सरचिटणीस श्रीकांत शिंदे, जिल्हा युवक अध्यक्ष अभिषेक आव्हाड, कार्याध्यक्ष अक्षय भांड उपस्थित होते.
बैठकीनंतर माध्यमांशी बोलताना उमेश पाटील यांनी प्रा. लक्ष्मण हाके यांच्यावरही हल्लाबोल केला. त्यांना स्वतःला प्राध्यापक म्हणून घ्यायची लायकी नाही, अशी टीकाही त्यांनी हाके यांच्यावर केली. ते म्हणाले, समाजातील सर्व घटकांना सत्तेमध्ये स्थान देण्याचे काम उपमुख्यमंत्री अजित पवार (Ajit Pawar) यांनी केले आहे. त्यांची ओळख सर्वांना बरोबर घेऊन जाणारा नेता अशी आहे. तरीही हाके समाजात विष पेरण्याचे काम करत आहेत.
पक्षसंघटनेतही अजित पवार यांनी काम करणाऱ्या लोकांनाच संधी दिली आहे. संघटना बळकट करावी, अशी सूचना त्यांनी पदाधिकाऱ्यांना दिल्या आहेत. राष्ट्रवादी काँग्रेसची आगामी स्थानिक स्वराज्य संस्थांच्या निवडणुकीत ताकद वाढली पाहिजे, त्यासाठी कार्यकर्त्यांनी तळगाळापर्यंत काम करावे, असे आवाहनही उमेश पाटील यांनी केले.
सरकारच्या लोककल्याणकारी आणि कृषीविषयक योजनांची माहिती सर्वसामान्यापर्यंत पोचविण्यासाठी उपमुख्यमंत्री अजित पवार यांच्या कृतिशील विचारांची राष्ट्रवादी काँग्रेस पक्षाची तरुण फळी तयार करण्याचे काम करावे, असे आवाहन कल्याणराव काळे यांनी केले.
आगामी स्थानिक स्वराज्य संस्थांच्या निवडणुकीच्या पार्श्वभूमीवर जिल्हाध्यक्ष उमेश पाटील यांनी जिल्हा दौऱ्याला सुरुवात केली आहे. तरुण पिढीला जिल्हा संघटनेत संधी देण्याचे सूतोवाच त्यांनी पंढरपूरच्या कार्यक्रमात केले आहे, त्यामुळे आगामी निवडणुकीतही तरुणांना संधी मिळणार का, याकडे सर्वांचे लक्ष असणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.