कोल्हापुरात ऊसदर आंदोलन चिघळले : शिरोळ बंद पुकारणाऱ्या कार्यकर्त्यांना पोलिसांनी घेतले ताब्यात

कोल्हापूर : कोल्हापूर (Kolhapur) जिल्ह्यात ऊसदर (Sugarcane FRP) आंदोलन चिघळले आहे. पोलिसांनी (police) आंदोलन अंकुश संघटनेच्या कार्यकर्त्यांवर केलेल्या कारवाईनंतर आंदोलक आणि कारखान्यांमध्ये संघर्ष निर्माण झाला आहे. त्यामुळे ऊस दराच्या मागणीसाठी आज आंदोलन अंकुशच्या वतीने शिरोळ (Shirol) तालुका बंदची हाक देण्यात आली आहे. दरम्यान, उसाची वाहने अडविणाऱ्या कार्यकर्त्यांना पोलिसांनी जबदस्तीने ताब्यात घेतले आहे, त्यामुळे आंदोलन चिघळले आहे. पोलिस प्रशासनाच्या विरोधात कार्यकर्त्यांकडून तीव्र भावना व्यक्त केल्या जात आहेत. (Sugarcane price agitation rages in Kolhapur : Activists calling for Shirol bandh were detained by police)

यावेळी शिरोळसह आजूबाजूच्या गावात कडकडीत बंद पाळण्यात आला आहे. उसाची दरनिश्चिती केल्याशिवाय उसाची वाहतूक करू देणार नसल्याचा इशारा आंदोलन अंकुश संघटनेने दिला होता. तरीही ऊस वाहतूक सुरू राहिल्याने सुरू राहिल्याने आंदोलन अंकुश ही संघटना आक्रमक झाली आणि आजचा बंद पुकारला आहे.

दरम्यान, गेल्या वर्षी उसाची ७०-३० फॉर्म्युलानुसार जादा रक्कम देण्याची मागणी करत या वर्षीच्या उसाला तीन हजार पन्नासपेक्षा अधिक दर देण्याची मागणी आंदोलन अंकुश संघटनेने केली आहे.

उसदाराचे आंदोलन शांततेने आणि सदनशीर मार्गाने गेली चार पाच दिवसांपासून चालू होते. आमची मागणी एवढीच आहे की मागच्या वर्षीचं काहीतरी द्या. पण या वर्षी किमान ३००० च्या पुढे भाव द्यावा. पण, कारखानदारांची भूमिका आम्हाला कुठेही विश्वासात न घेता आम्ही म्हणतो तेवढाच भाव घ्यायचा. शेतकऱ्यांना जबरदस्तीने टोळी घ्यायला लावून कारखाना चालू आहे, असा दाखविण्याच प्रयत्न कारखानादारांकडून सुरू आहे. शेतकऱ्यांच्या उसाच्या जिवावर ह्यांची कारखानादारी चालते. पोलिसांच्या मदतीने त्यांनी जो आंदोलन मोडण्याचा प्रयत्न केला आहे. त्याचा उलटा परिणाम या कारखानदारांना भोगावा लागणार आहे, असा इशारा संघटनेच्या पदाधिकाऱ्यांनी दिला.

ते म्हणाले की, आज शिरोळ तालुक्यातील सर्व गावांत कडकटीत बंद पाळण्यात येत आहे. शेतकरी कारखानादारांच्या विरोधात भूमिका घेत नसले तरी पण आजच्या बंदच्या माध्यमातून कारखानदारांना मेसेज दिला आहे. कारखानदारांनी परीक्षा न पाहता आता चर्चेला तरी यावे किंवा स्वतःहून ऊसाचा दर जाहीर करावा.

पंढरपुरात आंदोलनला हिंसक वळण

दरम्यान, ऊसदराच्या मागणीसाठी सोलापूर जिल्ह्यातील ऊस दर संघर्ष समितीने साखर कारखानदारांच्या विरोधात आंदोलन पुकारले आहे. या आंदोलनाला तालुक्यात हिंसक वळण लागले होते. श्रीपूर येथील पांडुरंग सहकारी साखर कारखान्याकडे ऊस घेवून जाणाऱ्या चार ट्रॅक्टरचे अज्ञांनी धारदार शस्त्राने टायर फोडले. यामध्ये वाहनमालकांचे सुमारे अडीच लाख रुपये नुकसान झाले आहे.

या प्रकरणी ग्रामीण पोलिस ठाण्यात अज्ञाविरोधात गुन्हा दाखल करण्यात आला आहे. यावर्षीच्या हंगामात गाळप होणार्या ऊसाला पहिली उचल अडीच हजार रुपये जाहीर करावी, या प्रमुख मागणीसाठी सर्व शेतकरी संघटनांनी एकत्रित येत ऊस दर संघर्ष समितीची स्थापना केली आहे. या समितीच्या वतीने आंदोलन हे पुकारले आहे.