Mumbai News : वक्फ सुधारित विधेयकावरील चर्चेदरम्यान राष्ट्रवादी काँग्रेसचे खासदार प्रफुल पटेल यांनी जोरदार टोलेबाजी केली होती. शिवसेना उद्धव बाळासाहेब ठाकरे पक्षाचे खासदार सजंय राऊत आणि खासदार प्रियांका चतुर्वेदी यांना डिवचले होते. त्यानंतर शुक्रवारी राऊतांनी पटेलांवर जहरी टीका केली. या टीकेला पटेलांनी प्रत्युत्तर दिलं आहे.
प्रफुल पटेलांनी सोशल मीडियात पोस्ट करून राऊत यांना पुन्हा डिवचले आहे. मात्र, यावेळी पटेलांनी शरद पवारांकडे बोट दाखवले आहे. राऊतांच्या पत्रकार परिषदेनंतर पटेलांनी सोशल मीडियात पोस्ट करत म्हटले आहे की, अंगूर खट्टे हैं. माझ्या चारित्र्यावर आणि इतिहासावर बोलण्याआधी आपण पवार साहेबांकडून माहिती घेतली असती तर बरं झालं असतं.
वक्फ सुधारित विधेयकावर बोलताना पटेलांनी बाबरी मशीद आणि मुंबईतील दंगलीचा मुद्दा काढत संजय राऊतांना डिवचले होते. राऊतांना संजयभैया असे म्हणून रंग बदलू नका, असा टोला लगावला होता. त्यावेळी राऊतांनीही सभागृहातच त्याला उत्तर देण्याचा प्रयत्न केला होता.
पटेलांच्या या भाषणानंतर संजय राऊतांनी शुक्रवारी सकाळी पत्रकार परिषदेत त्याचा समाचार घेतला. प्रफुल पटेल संसदेत आहेत त्याची लाज वाटते. दाऊदचे हस्तक भाजपने आपल्या पक्षात घेतले. प्रफुल पटेल सारख्या माणसाला घेऊन अजित पवारांनी स्वतः अवमुल्यन करून घेतलंय. प्रफुल पटेल सारखे लोक कोणाचे नाहीत ते दलाल आहेत, असी जहरी टीका राऊतांनी केली.
मी प्रफुल पटेलला सांगतो माझ्या नादाला लागू नको नागडा करीन, असा इशाराही राऊतांनी दिला होता. राऊतांच्या या विधानानंतर पटेलांनी सोशल मीडियात पोस्ट करत राऊतांना प्रत्युत्तर दिले. वक्फ विधेयकावरील चर्चेदरम्यान दोन्ही नेत्यांमध्ये आता चांगलीच जुंपली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.