Sharad Pawar NCP Candidate List : शरद पवारांच्या पक्षाची पाचवी यादी जाहीर; पंढरपूर, माढ्यातील उमेदवारांवर शिक्कामोर्तब

Mumbai : राष्ट्रवादी काँग्रेस शरदचंद्र पवार पक्षाकडून मंगळवारी पाचवी उमेदवारी यादी जाहीर करण्यात आली. या यादीमध्ये माढा, पंढरपूर, मुलुंड, मोहोळ आणि मोर्शी मतदारसंघातून उमेदवारांची घोषणा करण्यात आली आहे. पक्षाने आतापर्यंत 87 मतदारसंघातून उमेदवार जाहीर केले आहेत.

माढा मतदारसंघातून अभिजीत पाटील यांना उमेदवारी जाहीर झाली आहे. तर पंढरपूरातून अनिल सावंत यांना तिकीट देण्यात आले आहे. मोहोळ मतदारसंघात राजू खरे यांना लॉटरी लागली आहे. या मतदारसंघातून आधी सिध्दी रमेश खरे यांना उमेदवारी जाहीर झाली होती. आता त्यांच्याऐवजी खरे हे शरद पवारांच्या राष्ट्रवादीचे अधिकृत उमेदवार असतील.

पंढरपुरात आघाडीत बिघाडी

पंढरपुरात महाविकास आघाडीत बिघाडी झाली आहे. या मतदारसंघातून काँग्रेसने याआधाची भगीरथ भालके यांना उमेदवारी जाहीर केली आहे. तर आता शरद पवारांच्या पक्षानेही अनिल सावंत यांना उमेदवारी दिल्याने या मतदारसंघात आघाडीतील दोन पक्षच एकमेकांविरोधात उभे ठाकले आहेत. त्यामुळे कोण उमेदवार माघार घेणार की मैत्रीपूर्ण लढत होणार, याबाबत उत्सुकता वाढली आहे

पाचव्या यादीतील उमेदवार -

माढा – अभिजीत पाटील

मुलुंड – संगित वाजे

मोर्शी – गिरीश कराळे

पंढरपूर – अनिल सावंत

मोहोळ – राजू खरे