Sharad Pawar NCP: निवडणुकांची घोषणा झाल्यानंतर 24 तासांच्या आतच शरद पवारांच्या राष्ट्रवादीचा मोठा निर्णय; 'स्थानिक पातळीवर भाजपसोबत..?

Pune News : राज्यात आता स्थानिकच्या निवडणुकांचा बिगुल वाजला आहे.निवडणुकीस पात्र असलेल्या 246 नगरपरिषदा आणि 42 नगरपंचायतीच्या निवडणुका होणार आहेत. यानंतर पुढचे दोन टप्पे हे जिल्हा परिषदा, पंचायत समिती आणि महानगरपालिका अशा एकूण तीन टप्प्यांत स्थानिकच्या निवडणुका पार पडणार आहे हे आता स्पष्ट झालं आहे. एकीकडे निवडणुकांची घोषणा झाल्यानंतर 24 तासांच्या आतच राष्ट्रवादी काँग्रेस शरदचंद्र पवार पक्षाने सर्वात मोठा निर्णय घेतल्याची माहिती समोर येत आहे.

राष्ट्रीय अध्यक्ष शरद पवार (Sharad Pawar) यांनी काही दिवसांपूर्वीच राष्ट्रवादी काँग्रेस शरदचंद्र पवार पक्षाच्या पदाधिकाऱ्यांना महत्त्वाचा आदेश दिला होता. यावेळी त्यांनी स्थानिक स्वराज्य संस्थांच्या निवडणुकांमध्ये भाजपशी युती करण्याबाबतही सूचना करण्यात आल्या होत्या. आघाडी आणि युतीचे गणित पाहून स्थानिक पातळीवरील नेत्यांना निर्णय घेण्याचे पूर्ण अधिकार देण्यात आले होते.

शरद पवारांच्या राष्ट्रवादी काँग्रेसच्या बैठकीत सर्वात मोठा निर्णय घेण्यात आल्याची माहिती समोर येत आहे. आगामी निवडणुकांमध्ये स्थानिक पातळीवर भाजपसोबत युती नाही असा निर्णय राष्ट्रवादी काँग्रेस शरदचंद्र पवार पक्षाकडून घेण्यात आला असल्याची माहिती सूत्रांनी दिली आहे. शरद पवार यांच्या राष्ट्रवादी काँग्रेस (NCP) पक्षानं स्थानिक स्वराज्य संस्थांच्या निवडणुकीसाठी भाजप वगळता इतर कोणत्याही पक्षासोबत युती करण्याचा निर्णय घेण्यात आला आहे.

ज्येष्ठ नेते शरद पवार यांनी काही दिवसांपूर्वी मुंबईत झालेल्या बैठकीत स्थानिक स्वराज्य संस्थांच्या निवडणुकीसाठी भाजपसोबत कोणत्याही परिस्थितीत युती केली जाणार नाही अशा सूचनाच पदाधिकार्‍यांना दिल्या होत्या. तसेच स्थानिक पातळीवरील आघाडी आणि युतीचे गणित पाहून भाजप वगळता इतर सर्व पक्षांसोबत युती करण्याचे अधिकार दिले आहे. यावेळी भाजपशी युती टाळण्याचा आदेशही कायम आहे.

दरम्यान, मिळालेल्या माहितीनुसार, शरद पवार यांनी स्थानिक नेत्यांना युती आणि आघाडीचे गणित पाहून निर्णय घ्या, पण भाजपसोबत जायचे नाही. यामुळे पक्षांतर्गत स्थानिक पातळीवर आघाडीचे स्वातंत्र्य असले तरी भाजपशी कोणत्याही प्रकारची युती न करण्याची भूमिका ठाम राहील,असे आदेशही शरद पवारांनी काही दिवसांपूर्वी दिले होते.

स्थानिक पातळीवर भाजपसोबत कोणत्याही परिस्थितीत जायचं नाही. युती आणि आघाडीचं गणित पाहून निर्णय घ्या. फक्त भाजप सोबत युती नाही, अशा स्पष्ट सूचना शरद पवार यांनी दिल्याची माहिती आहे. ही बैठक महाराष्ट्रातील आगामी स्थानिक निवडणुकांच्या दृष्टीने महत्त्वाची मानली जात आहे.