मोठी बातमी : ठाकरे बंधूंच्या युतीला घोषणेपूर्वीच सुरुंग? मुंबईत राज ठाकरे-CM फडणवीस यांची गुप्त भेट?

Raj Thackeray - Devendra Fadnavis Meeting : मुंबईमध्ये मनसे अध्यक्ष राज ठाकरे आणि मुख्यमंत्री देवेंद्र फडणवीस यांची गुप्त भेट झाल्याची बातमी आहे. मुंबईतील हॉटेल ताज लँड एन्डमध्ये ही भेट झाल्याची माहिती आहे.
Raj Thackeray, Devendra Fadnavis
Raj Thackeray, Devendra FadnavisSarkarnama
Published on
Updated on

महाराष्ट्राच्या राजकारणात मागील काही दिवसांपासून शिवसेना उद्धव बाळासाहेब ठाकरे आणि महाराष्ट्र नवनिर्माण सेना या दोन्ही पक्षांच्या युतीची चर्चा सुरु आहे. असे असतानाच आज (12 जून) मुंबईमध्ये मनसे अध्यक्ष राज ठाकरे आणि मुख्यमंत्री देवेंद्र फडणवीस यांची गुप्त भेट झाल्याची बातमी आहे. मुंबईतील हॉटेल ताज लँड एन्डमध्ये ही भेट झाल्याची माहिती आहे. त्यामुळे ठाकरे बंधूंच्या युतीला घोषणेपूर्वीच सुरुंग लागणार का? असा सवाल विचारला जात आहे.

मिळालेल्या माहितीनुसार, वांद्रे येथील ताज लँड एन्ड या हॉटेलमध्ये सकाळी दहाच्या सुमारास राज ठाकरे यांचे आगमन झाले. त्यानंतर काही वेळातच मुख्यमंत्री देवेंद्र फडणवीस हेही याच हॉटेलमध्ये दाखल झाले. मुख्यमंत्री देवेंद्र फडणवीस यांच्या शासकीय कार्यक्रमांमध्ये ताज लँड एन्ड या हॉटेलमधील कार्यक्रमाचा उल्लेख नाही. तर राज ठाकरे यांच्या कार्यक्रमांमध्ये सकाळी 10 वाजता दादर येथील एका हॉटेलच्या उद्घाटनाच्या कार्यक्रमाचा उल्लेख होता. पण राज ठाकरे यांचा ताफा वांद्रे येथील ताज लँड एन्ड हॉटेलकडे वळाला.

ताज लँड एन्ड हॉटेलमधील रुम नं 2101 मध्ये राज ठाकरे आणि देवेंद्र फडणवीस यांची भेट झाल्याचे सांगितले जाते. आगामी महापालिका निवडणूक, यात राज ठाकरे आणि मनसेची भूमिका, राज ठाकरे यांना सोबत घेतल्यास काय घडू शकते? विरोधात गेल्यास काय होईल? ठाकरेंसोबत गेले तर काय होईल अशा विविध गोष्टीवर चर्चा झाली असल्याची माहिती आहे. त्यामुळे आगामी काळात भाजप-मनसे युती होण्याच्या दृष्टीने काही पावलं पडतात का? याकडे सर्वांचेच लक्ष लागले आहे.

राज ठाकरे - उद्धव ठाकरे युतीची चर्चा फिसकटणार?

दरम्यान, राज ठाकरे आणि देवेंद्र फडणवीस यांच्या भेटीमुळे मागच्या काही दिवसांपासून सुरु असलेली राज ठाकरे-उद्धव ठाकरे या बंधूंच्या युतीची चर्चा फिसकटणार का? असा सवाल विचारला जात आहे. आगामी मुंबई महापालिका निवडणुकीच्या पार्श्वभूमीवर देवेंद्र फडणवीस यांच्याकडून राज ठाकरे यांना काही नवीन प्रस्ताव दिला जातो का? हे बघणे महत्वाचे ठरणार आहे.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com