Mumbai News : मनसे अध्यक्ष राज ठाकरे यांचे एकेकाळचे निकटवर्तीय राजन शिरोडकर यांचे मंगळवारी दुपारी दीर्घ आजाराने निधन झाले. राजन शिरोडकर यांनी मनसेच्या स्थापनेपासून मनसेसाठी महत्त्वाची भूमिका निभावली होती. मात्र, काही कारणास्तव त्यांनी तीन वर्षांपूर्वी शिवसेनेत प्रवेश केला होता. (Rajan Shirodkar News)
राजन शिरोडकर यांचे चिरंजीव आदित्य शिरोडकर हे शिवसेना ठाकरे गटात पुणे सह संपर्कप्रमुख आहेत. शिवसेना प्रमुख बाळासाहेब ठाकरे यांच्यासोबत ही राजन शिरोडकर यांनी काम केले आहे. 1995 साली राज्यातील भाजप-शिवसेना युती सरकारच्या कार्यकाळात राजन शिरोडकर हे महाराष्ट्र प्रदूषण नियंत्रण मंडळाचे अध्यक्ष होते.
राजन शिरोडकर हे शिवसेनेच्या जुन्या फळीतील नेते होते. शिवसेनाप्रमुख बाळासाहेब ठाकरे यांच्यासोबत त्यांनी काम केले होते. हिंदुत्वाच्या विचारांनी भारवलेले आणि बाळासाहेब ठाकरेंच्या वाणीच्या प्रभावाने ते शिवसेना पक्षात आले. बाळासाहेब ठाकरे यांच्यासोबत खंबीरपणे काम केले, पक्षविस्तार केला.
1995 साली युतीचे सरकार आल्यानंतर बाळासाहेबांनी शिरोडकर यांना महाराष्ट्र प्रदूषण नियंत्रण मंडळाचे अध्यक्षपद देण्यात आले होते. राज ठाकरे यांनी मनसेची स्थापना केल्यानंतर ते मनसेकडे आकृष्ट झाले होते. मनसेच्या स्थापनेत, पक्षाच्या वाटचालीत शिरोडकर यांचा मोठा वाटा होता.
दरम्यान, राजन शिरोडकर यांचे अल्पशा आजाराने निधन झाल्याचे वृत्त समजताच शिवसेना नेते आदित्य ठाकरे यांची दादर पश्चिम कुंभारवाडा येथे मंगळवारी सायंकाळी होणारी सभा रद्द करण्यात आली. पुढील दोन-चार दिवसांत ही सभा होईल, अशी माहिती देण्यात आली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.