Sushma Andhare News : दक्षिण, रामटेकसोबत कामठीसुद्धा द्या; सुषमा अंधारेचा मनाचा मोठेपणा दाखवण्याचा काँग्रेसला सल्ला

Nagpur News : नागपूर शहरातील दक्षिण नागपूर विधानसभा मतदारसंघासाठी उद्धव ठाकरे सेना आणि काँग्रेस यांच्यात चांगलीच जुपंली आहे. या एका जागेवरून काँग्रेसचे प्रदेशाध्यक्ष नाना पटोले आणि उद्धव सेनेचे नेते संजय राऊत यांच्या चांगलीच खडाजंगी झाली. त्यामुळे दक्षिण सध्या होल्डवर टाकण्यात आले असल्याचे समजते.

काँग्रेसही एकही जागा द्यायला तयार नसताना उद्धव सेनेच्या उपनेत्या सुषमा अंधारे यांनी आमच्या वाट्याला कामठी किंवा उपमुख्यमंत्री देवेंद्र फडणवीस यांचा दक्षिण-पश्चिम विधानसभा मतदारसंघ आमची आल्यास लढण्याची तयारी असल्याचे सांगितले. यावेळी त्यांनी उद्धव ठाकरे यांच्या प्रमाणे काँग्रेसनेही मनाचा मोठेपाणा दाखवून दोन मतदारसंघ सोडण्याची मागणी केली.

लोकसभेच्या निवडणुकीत आम्ही रामटेक आणि अमरावती लोकसभा मतदारसंघ सोडला होता. येथे आमचा खासदार होता, असे असतानाही उद्धव ठाकरे यांनी मनाचा मोठेपणा दाखवला. आम्ही सर्व विसरून प्रचार केला. आमची क्षमता असल्यानेच रामटेक विधानसभा आणि कामठीची मागणी आम्ही करतो आहे. आता काँग्रेसनेही (Congress) मन मोठे करावे. राहूल गांधी आणि मल्लिकार्जुन खरगे यांनी हे समजून घ्यावे.

महाराष्ट्रात निवडणूक जिंकण्यासाठी राहूल गांधी यांच्या मोठा चेहरा आहे. तेवढेच महत्त्व उद्धव ठाकरे यांनाही असे सांगून त्यांनी नाना पटोले यांना टोला लगावला. आमचे नेते संजय राऊत हे पक्षाचे हिताचे निर्णय घेतात. त्यानुसारच बोलतात. कुठल्याही जागेसाठी ते भांडत नाही. कामठी आमच्यासाठी चांगला विधानसभा मतदारसंघ आहे, याकडेही सुषमा अंधारे (Sushma Andhare ) यांनी लक्ष वेधले.

संजय राऊत, अनिल देसाई हे आमचे नेते आहेत. उद्धव सेनेच्यावतीने ते वाटाघाटी व बोलणी करीत आहेत. माझ्यावर प्रचाराची जबाबदारी आहे. काँग्रेसचे प्रदेशाध्यक्ष नाना पटोले यांच्या यांच्या वक्तव्यावर बोलण्याइतपत मी सिनिअर नाही. मात्र त्यांना लहान बहीण म्हणून त्यांना माझा सल्ला आहे. दोन पाऊल त्यांनी मागे घ्यावे, दोन पावले आम्ही घेतो. किमान बैठकीला उपस्थित राहा. बैठकीतून बाहेर पडाल तर चर्चा कशी होईल, असेही सुषमा अंधारे म्हणाल्या.