Maharashtra election update : नागपूरचं हिवाळी अधिवेशन आठवड्यात गुंडाळलं. आता पुढील आठवड्यात मंगळवारी मंत्रिमंडळाची बैठक होणार आहे. यानंतर लगेचच राज्यातील महापालिका निवडणुकांचा बिगुल वाजेल.
महापालिकांसाठी 12 ते 15 जानेवारीला मतदान घेण्याची तयारी राज्या निवडणूक आयोग करत आहे. त्यानुसार या आठवड्यात राज्य निवडणूक आयोगाच्या हालचाली देखील झाल्याची खात्रीलायक सूत्रांची माहिती आहे.
मुख्यमंत्री सचिवालयातील सूत्रांच्या माहितीनुसार, राज्य मंत्रिमंडळाची मंगळवारी बैठक होईल. त्यानंतर लगेच सायंकाळी महापालिका निवडणुकांची (Municipal Corporation) घोषणा होईल किंवा दुसऱ्या दिवशी राज्य निवडणूक आयुक्त पत्रकार परिषद घेऊन निवडणुकांचा कार्यक्रम जाहीर करतील, असे सांगितले जात आहे.
राज्यातील महापालिकांसाठी 12 ते 15 जानेवारीदरम्यान मतदान घेण्याचं राज्य निवडणूक आयोग (State Election Commission) नियोजन आहे. तसंच आगामी महापालिका, जिल्हा परिषद आणि पंचायत समितीच्या निवडणुकांसाठी उमेदवारांना त्यांचे नामनिर्देशन पत्र ऑफलाइन पद्धतीने भरण्याची परवानी दिली जाईल, असे राज्य निवडणूक आयुक्त दिनेश वाघमारे यांनी सांगितले.
दरम्यान नागपूर अन् चंद्रपूर या दोन महापालिकेतील आरक्षणाची मर्यादा 50 टक्क्यांच्या पुढे गेली आहे. या दोन्ही महापालिकांची निवडणूक राज्य निवडणूक आयोग पुढे घेण्याच्या तयारीत आहे. परंतु राज्य सरकारने या दोन्ही महापालिकांची निवडणूक इतर महापालिकांच्या निवडणुकांबरोबरच घ्याव्यात, अशी भूमिका आहे.
नागपूर महापालिकेची 54.30 टक्के, तर चंद्रपूर महापालिकेची 53 टक्के आरक्षण झालं आहे. सर्वोच्च न्यायालयाने 50 टक्क्यांवर आरक्षण नको, असे स्पष्ट निर्देश दिले आहेत. राज्य निवडणूक आयोग या दोन्ही महापालिकेच्या निवडणुका फेब्रुवारीमध्ये घेण्याच्या तयारीत आहेत.
सर्वोच्च न्यायालयाच्या 50 टक्के आरक्षणाच्या आदेशाचे तंतोतंत पालन करण्याचा आदेश आहे. त्यानुसार राज्यातील 20 जिल्हा परिषद आणि पंचायत समित्यांनी आरक्षणाची मर्यादा ओलांडली आहे. तसंच या दोन महापालिका, यांना सर्वोच्च न्यायालयाच्या आदेशाचा फटका बसणार आहे. या स्थानिक स्वराज्य संस्थांच्या निवडणुकांबाबत राज्य निवडणूक आयोग नेमका कोणता निर्णय घेते, याकडे आता लक्ष असणार आहे.
आरक्षणाची मर्यादा ओलांडलेल्या 20 जिल्हा परिषदा आणि दोन महापालिका यांच्या निवडणुका पुढे लांबणीवर पडणार की, त्यात काही राज्य निवडणूक आयोग निर्णय घेणार, हे पत्रकार परिषदेत कळेल. पण आरक्षणाचा मर्यादा ओलांडलेल्या स्थानिक स्वराज्य संस्थांच्या निवडणुका लांबणीवर पडणार असल्याचे खात्रीलायक सूत्रांकडून माहिती कळते आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.