Supriya Sule : पंतप्रधान नरेंद्र मोदींना सुप्रिया सुळेंकडून खास गिफ्ट! सरकारचेही मानले आभार

Supriya Sule News : 'ऑपरेशन सिंदूर'नंतर दहशवादाच्याविरोधात भारताची भूमिका जगाला सांगण्यासाठी परदेशी शिष्टमंडळ पाठवण्यात आले होते. या शिष्टमंडळाचे नेतृत्व खासदार सुप्रिया सुळे यांनी केले होते. दहशतवादाच्या विरोधात भारताची भूमिका जागतिक व्यासपीठावर मांडण्यासाठी पाठविण्यात आलेल्या सर्वपक्षीय शिष्टमंडळांच्या सदस्यांची मंगळवारी प्रधानमंत्री नरेंद्र मोदी यांनी भेट घेतली.

या भेटीत खासदार सुळे यांनी यशवंतराव चव्हाण यांच्या जीवनकार्याचा आढावा घेणाऱ्या 'वाय. बी. चव्हाण अ पिक्चरल बायोग्राफी' आणि 'वाय. बी. चव्हाण सिलेक्टेड स्पीचेस् इन पार्लिमेंट' ही दोन गिफ्ट दिली.

सुळे यांनी आपल्या ट्विटरवरून पंतप्रधान नरेंद्र मोदी यांना पुस्तके भेट दिल्याची सांगितले. तसेच अतिशय महत्त्वाच्या अशा एका शिष्टमंडळाचे नेतृत्व करण्याची संधी मला मिळाली. या शिष्टमंडळाने कतार, दक्षिण आफ्रिका, इथिओपिया आणि इजिप्त या देशांचा दौरा करुन देशाची भूमिका मांडल्याचे सांगितले.

पंतप्रधानांचे मानले आभार

सुप्रिया सुळे यांनी शिष्टमंडळाचे नेतृत्व करताना कतार, दक्षिण आफ्रिका, इथिओपिया आणि इजिप्त या देशांमध्ये भारताची भूमिका रोखठोक मांडली. सुळे यांच्या नेतृत्वाचे कौतुक देखील करण्यात आले. दरम्यान, दौऱ्यासाठी आपली निवड करुन एक महत्त्वपूर्ण जबाबदारी सोपविली याबद्दल भारत सरकार, प्रधानमंत्री नरेंद्र मोदी, परराष्ट्र व्यवहार मंत्रालय आणि संसदीय कार्यमंत्री किरेनजी रिजेजू यांचे सुप्रिया सुळे यांनी आभार मानले.

पंतप्रधान 59 सदस्यांना भेटले

ऑपरेशन सिंदूरनंतर परदेशात सात शिष्टमंडळ पाठवण्यात आली होती. या सात शिष्टमंडळातील सहभागी 59 सदस्यांना भेटले. ज्यामध्ये 51 नेता और 8 राजदूत यांचा समावेश होता. पंतप्रधान मोदींनी शिष्टमंडळातील सदस्यांशी चर्चा केली. या परदेशात गेलेल्या शिष्टमंडळाचे नेतृत्व रविशंकर प्रसाद, बैजयंत पांडा, संजय कुमार झा, कनिमोळी करुणानिधी, सुप्रिया सुळे, शशि थरूर और श्रीकांत शिंदे यांनी केले.