Sharad Pawar Press : देशाला बदल हवायं, म्हणून `इंडिया`ची आघाडी..

Marathwada News : देशातील अनेक राज्यांमध्ये भाजपचे सरकार नाही, जनतेला आता बदल हवा आहे. तो घडवण्याच्या उद्देशानेच आम्ही सर्व विरोधी पक्ष `इंडिया`, च्या माध्यमातून नवी आघाडी स्थापन केली आहे. (Sharad Pawar Press) कोणत्याही परिस्थितीत देशात बदल घडवायचा आहे, जनतेची देखील तिच इच्छा असल्याचे राष्ट्रवादीचे अध्यक्ष खासदार शरद पवार यांनी निक्षूण सांगितले. छत्रपती संभाजीनगर येथे पत्रकारांशी बोलतांना त्यांनी देश आणि राज्यातील सद्य राजकीय परिस्थितीवर भाष्य केले.

दिल्ली, पंजाब, झारखंड, केरळ, कर्नाटक, तामिळनाडू, तेलंगणा, आंध्रप्रदेश, मध्यप्रदेश, राजस्थान अशा अनेक राज्यांमध्ये (Bjp) भाजपची सत्ता नाही. महाराष्ट्रात आता आली, ती कशा पद्धतीने हे तुम्ही पाहिले आहे. यावरून देशातील जनेतला आता बदल हवा आहे, हे स्पष्ट झाले आहे. त्यामुळे जे जे भाजप विरोधी असतील त्या सगळ्या पक्षांना `इंडिया`, आघाडीच्या अंतर्गत सोबत घेऊन हा बदल घडवण्यासाठी आम्ही प्रयत्न करणार आहोत, असेही (Sharad Pawar)पवारांनी स्पष्ट केले.

मोदी सरकार हे देशात फूट पाडण्याचा प्रयत्न करत आहे. जातीजातीमध्ये तेढ निर्माण केला जात आहे. १४ ऑगस्ट हा फळणी दिवस म्हणून साजरा केला जावा, अशा प्रकारचे प्रयत्न सुरू आहेत. (Marathwada) या समाजात तेढ निर्माण करणाऱ्या आणि फोडाफोडीच्या राजकारणाला लोक कंटाळले आहेत. भाजपसोबत आम्ही जाण्याचा प्रश्नच उद्भवत नाही, हे मी याआधीही स्पष्ट केले आहे. जे जे भाजपसोबत ते आमचे विरोधक असल्याचे पवारांनी ठणकावून सांगितले.

पंतप्रधान नरेंद्र मोदी यांनी १५ ऑगस्ट रोजी लाल किल्ल्यावरून केलेल्या भाषणात मी २०२४ मध्ये पुन्हा येईन असे सांगितले. त्यांना मणिपूर पेक्षा पुन्हा येण्याची चिंचा अधिक असल्याचा टोलाही पवारांनी लगावला. फडणवीस यांच्या पुन्हा येईन ची आठवण करून देत, तुम्ही कुठल्या पदावर पुन्हा येणार? असा चिमटाही पवारांनी मोदींना काढला. उद्धव ठाकरे यांची शिवसेना, काॅंग्रेस आणि राष्ट्रवादी एकच आहे, मला सोडून त्यांचा कुठलाही बी प्लॅन असू शकत नाही. या केवळ चर्चा आहेत, ती वस्तुस्थिती नाही, असे सांगत आघाडीतील बिघाडीच्या चर्चा पवारांनी फेटाळल्या.

Edited By : Jagdish Pansare