एकनाथ शिंदेंकडे गर्दीसाठीच पैसे, शेतकऱ्यांसाठी पैसे नाहीत!

नाशिक : मुख्यमंत्री एकनाथ शिंदे (Eknath Shinde) सध्या शिवसेनेच्या (Shivsena) मेळाव्याला आव्हान देण्यासाठी शिंदे गटाच्या मेळाव्याला गर्दी जमवण्यात व्यस्त आहेत. त्यासाठी त्यांनी कोट्यावधी रुपये खर्च केले आहेत. मात्र राज्यातील (Maharashtra) शेतकरी (Farmers) संकटात असताना त्याच्याकडे लक्ष देण्यास, मदतीसाठी शिंदे यांच्याकडे पैसे नाहीत, अशी टिका स्वाभिमानी शेतकरी संघटनेचे प्रदेशाध्यक्ष संदीप जगताप (Sandip Jagtap) यांनी केली आहे. (Swabhimani Shetkari Sanghtana criticise Cm Shinde)

याबाबत श्री. जगताप म्हणाले, दसरा मेळाव्याला मुंबईत गर्दी करण्यासाठी एकनाथ शिंदे यांनी एसटी महामंडळाला दहा कोटी रुपये दिले. अनेक कार्यकर्त्यांना खाजगी वाहने दिली.

बिकेसी मैदानावर कोट्यवधी रुपये खर्च होतो आहे. राजकीय कुरघोडी करण्यासाठी मुख्यमंत्री एकनाथ शिंदे यांच्याकडे कोट्यवधी रुपये आहेत. परंतु हाडाचे काडं करून, काबाड कष्ट करून, पोटाला पीळ देऊन नियमित कर्ज भरणाऱ्या शेतकऱ्यांना प्रोत्साहन पर अनुदान म्हणून ५० हजार रुपये द्यायला मात्र त्यांच्याकडे पैसे नाहीत. हे या महाराष्ट्राचे दुर्दैव आहे.

ते पुढे म्हणाले, कुठे नेऊन ठेवलाय हा महाराष्ट्र माझा? असा प्रश्न आम्हाला पडतो. राज्यात नुकताच मोठा पाऊस झाला. अतीवृष्टीने राज्यात हाहाकारा उडाला. शेतकरी अत्यंत संकटात आहे. अनेक नेते बांधावर जातात, पाहणी करतात, घोषण होते, मात्र पुढे काहीच होत नाही. शेतकरी मदत मिळेल याची वाटच बगत बसला आहे. एकनाथ शिंदे असंवेदनशील असून त्यांना शेतकऱ्यांचे दुःख कळत नाही, असे एकंदर चित्र आहे. सबंध महाराष्ट्रातील शेतकरी त्याबाबत नाराज आहे.

...