Nashik Politics : संदीप कर्णिक इफेक्ट! इच्छुक म्हणतात, 'यंदा होर्डिंग नको रे बाप्पा', शहरानेही घेतला मोकळा श्वास!

Nashik Police Effect News : महापालिका निवडणुकीसाठी इच्छुकांचे अमाप पीक आले आहे. मात्र या सगळ्यांनी पोलिसांची धास्ती घेतली. त्यामुळे कोणाचीही फ्लेक्स लावण्याची हिंमत ऐन दिवाळीत झालेली नाही. त्यामुळेच सध्या नाशिक शहरात पोलीस आयुक्त संदीप कर्णिक यांच्या इफेक्टची चर्चा जोरदार सुरू आहे.

नाशिक शहराची यंदाची दिवाळी नागरिकांना धक्का देऊन गेली आहे. पोलीस आयुक्त संदीप कर्णिक यांनी गुन्हेगार आणि गुन्हा दाखल असलेल्यांचे फ्लेक्स लावल्यावरून कारवाईचा बडगा उगारला आहे. त्यामुळे अनेक नेत्यांना पोलिसांचा प्रसाद मिळाला.

दिवाळी असूनही नाशिक शहरात महापालिका निवडणुकीची कोणतीही चाहूल दिसत नाही. त्याचे मुख्य कारण इच्छुकांनी फ्लेक्स लावण्याची हिंमतच केलेली नाही. त्याला सीपी कर्णिक यांनी यांच्या कारवाईचा बडगा आहे. तर राजकीय आशीर्वादाने गुन्हेगारी करणाऱ्यांनीही याचा धसका घेतला आहे.

सत्ताधारी महायुतीच्या चार नगरसेवकांची दिवाळी पोलीस कोठडीत झाली. यामध्ये भाजपचे स्थायी समितीचे माजी सभापती उद्धव निमसे, माजी नगरसेवक बाळासाहेब पाटील, मुकेश शहाणे आणि आरपीआयचे प्रकाश लोंढे यांचा समावेश आहे. याशिवाय सत्ताधारी पक्षाचे विविध पदाधिकारी पोलिसांच्या रडारवर आहेत.

गुन्हेगारी, खून, मंडळी यांसारख्या गंभीर प्रकरणात राजकीय नेत्यांचा सहभाग आढळला आहे. उमेदवारांनी मंत्री आणि राजकीय नेत्यांच्या आशीर्वादातून नाशिक शहराला वेठीस धरले होते. त्यात सत्ताधारी पक्षाच्या आमदारांचाही या गुन्हेगारांना आशीर्वाद असल्याचे स्पष्ट झाले होते. शहरातील गुन्हेगारीने उच्छाद मांडल्याने सामान्य नागरिक त्रस्त झाले होते. त्यामुळे याबाबत थेट मुख्यमंत्री देवेंद्र फडणवीस यांना हस्तक्षेप करणे भाग पडले. त्याचा दणका सत्ताधारी पक्षाच्या आमदारांच्या समर्थकांना आणि माजी नगरसेवकांना बसला आहे.

शहरात हजारो होर्डिंग लावून राजकीय नेते इच्छुक उमेदवार आणि गुन्हेगारांनी दहशत वाढविण्यासाठी हा मार्ग निवडला होता. गुन्हेगारांचे फोटो असलेल्या होर्डिंग वर थेट कारवाई केली. गुन्हे दाखल झाल्याने अनेक राजकीय नेत्यांची झोप उडाली. सध्या दिवाळी असली तरी कोणीही नागरिकांना शुभेच्छा देणारे फलक लावण्याची हिंमत केली नाही. पाडवा पहाट यांसारख्या कार्यक्रमाचेही मोजके आणि कार्यक्रम असलेल्या परिसरातच फ्लेक्स लागले. विशेष म्हणजे त्यावर नेत्यांचे फोटो गायब होते.

FAQs :

1. नाशिकमध्ये पोलीस कारवाई का करण्यात आली?
→ गुन्हेगार आणि गुन्हेगारीला प्रोत्साहन देणारे फ्लेक्स लावल्यामुळे ही कारवाई करण्यात आली.

2. ही कारवाई कोणी केली?
→ नाशिक पोलीस आयुक्त संदीप कर्णिक यांनी ही कठोर कारवाई केली.

3. या कारवाईचा परिणाम काय झाला?
→ गुन्हेगार व राजकीय इच्छुकांनी फ्लेक्स लावणे बंद केले आणि शहरात शिस्त दिसून आली.

4. कारवाई दिवाळीतच का करण्यात आली?
→ दिवाळीमध्ये फ्लेक्स लावण्याचा ट्रेंड वाढल्यामुळे पोलिसांनी त्या काळात कडक पाऊले उचलली.

5. नागरिकांची या कारवाईवर प्रतिक्रिया काय आहे?
→ नागरिकांनी पोलिसांच्या शिस्तप्रिय भूमिकेचं स्वागत केलं असून स्वच्छ नाशिक उपक्रमाला पाठिंबा दिला आहे.