Dada Bhuse Politics: मौलाना मुफ्ती यांचा आरोप, बोगस शिक्षक भरतीच्या रॅकेटद्वारे दहा कोटीचा भ्रष्टाचार!

Dada Bhuse News: गैरव्यवहार आणि विविध कारणाने शिक्षण विभाग सतत चर्चेत असतो. 'एमआयएम'चे आमदार मौलाना मुक्ती यांनी शिक्षण विभागाची चांगलीच झाडाझडती घेतली आहे. शिक्षण विभागात बोगस शिक्षक नियुक्तीचे रॅकेट कार्यरत असल्याचा गंभीर आरोप त्यांनी केला.

यासंदर्भात राज्याचे शालेय शिक्षण मंत्री दादा भुसे यांना काय कारवाई करणार असा प्रश्न आमदार मौलाना मुफ्ती यांनी केला. विधिमंडळात उपस्थित झालेले या प्रश्नावर मौलाना मुफ्ती यांनी गंभीर आरोप केले. याबाबत मंत्री दादा भुसे यांनी विविध तक्रारी मिळाल्या आहेत. चौकशीचे आदेश देण्यात आले आहेत. बोगस शिक्षक भरती बाबत एस.आय.टी. ची स्थापना करण्यात येणार असल्याचे त्यांनी सांगितले.

मालेगाव महापालिकेत बोगस शिक्षक नियुक्तीचे रॅकेट कार्यरत आहेत. गेल्या काही दिवसात येथे दहा शिक्षक बोगस नियुक्ती करून नेमले आहेत. अशाप्रकारे बोगस शिक्षकांची नियुक्ती करून राज्य शासनाचे कोट्यावधींच्या अनुदान हडप केले जाते. याविषयी शिक्षण विभागातील अधिकाऱ्यांचाही सहभाग असल्याचा गंभीर आरोप त्यांनी केला.

शाळेच्या शिपायापासून तर मंत्रालयातील अधिकाऱ्यांपर्यंत शिक्षण विभागात भ्रष्टाचाराचे मोठे रॅकेट कार्यरत आहेत. बोगस कागदपत्र आणि जाहिरातींच्या माध्यमातून नियुक्ती करण्यात येते. या नियुक्तीतील शिक्षकांच्या नावे राज्य शासनाकडून कोट्यावधींच्या अनुदान घेण्यात येते. हा सर्व भ्रष्टाचार राजरोसपणे सुरू असल्याचा आरोप मौलाना मुफ्ती यांनी केला.

यामध्ये विविध शिक्षण संस्था चालकांचे हितसंबंध गुंतले आहेत. कायदा धाब्यावर बसून राजदूषपणे होणारे हे कामकाज थांबविणे सरकारची जबाबदारी आहे. अशाप्रकारे नियुक्त करून शासनाचे अनुदान हडप करणे याबाबत शासन काय कार्यवाही करणार अशी विचारणा आमदार मुफ्ती यांनी केली.

शालेय शिक्षण मंत्री दादा भुसे यांनी याबाबत विविध तक्रारी प्राप्त झाल्या आहेत. यापूर्वी आलेल्या तक्रारीची तातडीने चौकशी करण्याचे आदेश देण्यात आले आहेत. सचिव स्तरावरील अधिकाऱ्यांकडून ही चौकशी सुरू आहे. बहुतांशी गैरप्रकारांमध्ये संस्थाचालकच सहभागी असतात. त्यामुळे एसआयटी मार्फत त्याची चौकशी करण्याचे आदेश दिले असल्याचे मंत्र्यांनी सांगितले.

--------