Deepak kesarkar Politics: दीपक केसरकर यांचा संजय राऊत यांना टोला, म्हणाले, खरी शिवसेना आमचीच, तुमची नाही!

Deepak kesarkar Vs Sanjay Raut News: शिवसेना उद्धव ठाकरे पक्षाचे नेते संजय राऊत यांनी काल उपमुख्यमंत्री एकनाथ शिंदे यांच्यावर टीका केली होती. उद्धव ठाकरे यांच्या नेतृत्वाखालील निष्ठावंतांचीच शिवसेना खरी, असा दावा त्यांनी केला होता. त्यामुळे उपमुख्यमंत्री एकनाथ शिंदे यांच्या पक्षातून त्याला उत्तर देणण्यात आले.

शिवसेना एकनाथ शिंदे पक्षाचे नेते आमदार दीपक केसरकर यांनी संजय राऊत यांना उत्तर दिले आहे. खासदार राऊत यांना पक्षात आणि लोकांमध्ये फारसे महत्त्व नाही. महत्व मिळावे म्हणूनच त्यांचा सर्व आटापिटा असतो.

खरी शिवसेना कोणती आणि कोणाची? हे विचारण्याचा अधिकार खासदार राऊत यांना आहे का? असा प्रश्न केसरकर यांनी केला. संजय राऊत रोज विविध आरोप आणि तथ्यहीन माहिती देऊन माध्यमांचे लक्ष वेधतात. हा सर्व खटाटोप कशासाठी सुरू आहे हे सांगण्याची गरज नाही, असे आमदार केसरकर म्हणाले.

खरी शिवसेना आमची आहे. उपमुख्यमंत्री एकनाथ शिंदे यांना सर्व निष्ठावंत शिवसैनिक आणि जनतेने पाठिंबा दिला आहे. शिवसेनेचे चिन्ह देखील आमच्याकडेच आहे, हे राऊत यांनी विसरू नये.

नुकत्याच झालेल्या निवडणुकीत सर्वाधिक आमदार आमचे निवडून आले आहेत. खासदार सुद्धा आमचेच आहेत. त्यामुळे जनतेने खरी शिवसेना कोणाची, उत्तर मतदानातून दिले आहे, असा दावा केसरकर यांनी केला.

शिवसेना उद्धव ठाकरे पक्षाचे नेते खासदार राऊत यांनी शिवसेना एकनाथ शिंदे पक्ष लवकरच भाजप मध्ये विलीन होईल असे विधान केले होते. हे विधान शिवसेना एकनाथ शिंदे पक्षाचे नेत्यांना चांगलेच झोंबले. त्यामुळेच आमदार दीपक केसरकर यांनी खासदार राऊत यांची हजेरी घेतली.

यानिमित्ताने शिवसेना उद्धव ठाकरे पक्षाचे नेते संजय राऊत यांनी उपमुख्यमंत्री एकनाथ शिंदे यांना पुन्हा एकदा दिवचले आहे. दोन्ही शिवसेनांमध्ये आगामी मुंबई महापालिका निवडणुकांच्या पार्श्वभूमीवर चांगलीच जुंपली आहे. यामुळेच आमदार केसरकर यांनी राऊत यांना डीवचले आहे.

------