Eknath Shinde Convoy Accident : मोठी बातमी! मुख्यमंत्री एकनाथ शिंदेंच्या ताफ्याला अपघात; चार वाहनं एकमेकांवर आदळली

Jalgaon News : आगामी विधानसभा निवडणुकीसाठी महाविकास आघाडीचं कडवं आव्हान परतवून लावण्यासाठी कंबर कसली आहे. लोकसभा निवडणुकीत सपाटून मार खाललेल्या महायुतीने आता विधानसभेसाठी नो रिस्क भूमिका घेत जंग जंग पछाडले आहेत.

महायुतीतील भाजप,शिवसेना आणि राष्ट्रवादी काँग्रेस या तीनही पक्षांनी जोरदार तयारी सुरू केली आहे. अशातच एक धक्कादायक बातमी समोर आली आहे. मुख्यमंत्री एकनाथ शिंदे (Eknath Shinde) ताफ्याला अपघात झाल्याची माहिती समोर येत आहे.

जळगावात महायुतीच्यावतीने भव्य मेळावा मंगळवारी(ता.13)आयोजित करण्यात आला आहे. मुख्यमंत्री एकनाथ शिंदे यांची महत्वाकांक्षी योजना असलेल्या माझी लाडकी बहीण योजनेतंर्गत हा मेळाव्याचे आयोजन करण्यात आले आहे. या मेळाव्याला मुख्यमंत्री एकनाथ शिंदे,उपमुख्यमंत्री देवेंद्र फडणवीस (Devendra Fadnavis) ,उपमुख्यमंत्री अजित पवार हे तिघेही जळगाव विमानतळावर दाखल झाले होते.

मुख्यमंत्री एकनाथ शिंदे हे मेळाव्याच्या ठिकाणी जात असतानाच विमानतळ परिसरातच त्यांच्या वाहनांच्या ताफ्याचा अपघात झाला.या अपघातात ताफ्यातील चार वाहनं एकमेकांवर आदळली.मात्र,या अपघातात सुदैवाने कोणतीही जीवितहानी किंवा गंभीर जखमी झाले नसल्याची माहिती समोर येत आहे.

या अपघातात मुख्यमंत्र्‍यांच्या ताफ्यातील चार वाहनं एकमेकांवर आदळल्यानं गाड्यांचं मोठ्या प्रमाणात नुकसान झालं आहे.अपघाताच्या घटनेनंतर पुढे काही वेळातच मुख्यमंत्र्यांचा ताफा कार्यक्रमाच्या ठिकाणी रवाना झाला.वाहनांच्या ताफ्यातील इतर वाहनांमधून मुख्यमंत्री शिंदे आणि उपमुख्यमंत्री सभास्थळी दाखल झाले.