आपल्याला पाथर्डी तालुक्यात यायला आवडेल. आगामी काळात होणाऱ्या विधानसभा निवडणुकीत आपणसुद्धा उमेदवारीसाठी दावेदार असल्याचे सूचक वक्तव्य माजी जिल्हा परिषद सदस्या हर्षदा काकडे यांनी केले आहे. त्यामुळे आगामी विधानसभेच्या निवडणुकीत हर्षदा काकडे या शेवगाव-पाथर्डी मतदारसंघातून मैदानात असू शकतात. त्यांच्या या वक्तव्याने तसे स्पष्ट संकेत मिळत आहेत.
पद्मभूषण वसंतदादा पाटील विद्यालयात आयोजित वार्षिक पारितोषिक वितरण सोहळ्याप्रसंगी त्या बोलत होत्या. तसेच यावेळी प्रेमा सोनवणे या विद्यार्थिनीला लंडनमध्ये नोकरी मिळाल्याबद्दल तिचा गौरव करण्यात आला.
पुढे बोलताना काकडे म्हणाल्या, ''पाथर्डीकरांना वाटते शेवगावमध्ये विकास होत आहे. तर शेवगावकरांना वाटतं पाथर्डीचा विकास होत आहे. प्रत्येक्षात मात्र काहीच काम होताना दिसत नाही. कामांच्या नावाने बोंबाबोंब आहे. आबासाहेब काकडे यांच्यासारखी दूरदृष्टी शिरसाठ यांच्याकडे होती. समाजाचे आपण देणे लागतो, ही भावना जोपासत त्यांनी शिक्षणसंस्था काढली. त्यांचा आदर्श इतरांनी घ्यायला हवा'', असंही त्या यावेळी म्हणाल्या.
दरम्यान, आगामी काळात जिल्हा परिषद, पंचायत समिती, नगरपालिका निवडणुकीचा हंगाम सुरू होणार आहे. यातच आता येणाऱ्या विधानसभेच्या निवडणुकीसाठी माजी जिल्हा परिषद सदस्या हर्षदा काकडे यांनीही शेवगाव-पाथर्डी मतदारसंघातून रणशिंग फुंकले आहे. त्यामुळे आगामी निवडणुकीमध्ये रंगत पाहायला मिळण्याची शक्यता आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.