Jalgaon Mahapalika Results : मंत्री गिरीश महाजन यांच्या रणनीतीमुळे भाजपला उत्तर महाराष्ट्रातील 5 पैकी 4 महापालिका निवडणुकीमध्ये मोठे यश मिळाले आहे. नाशिक, जळगाव, धुळे आणि अहिल्यानगर या 4 महापालिकेमध्ये भाजपचा डंका वाजला आहे. जळगावमध्ये तर भाजपचा स्ट्राईक रेट 100 टक्के राहिला आहे.
नाशिक महापालिकेत भाजपने 122 पैकी तब्बल 76 जागा जिंकल्या आहेत. जळगावमध्ये 75 पैकी भाजपने 46 जागा लढविल्या होत्या. या सर्व जागा भाजपने जिंकल्या आहेत. धुळेमध्ये भाजपला 74 पैकी 50 जागांवर यश मिळाले आहे. तर अहिल्यानगरमध्ये युतीत निवडणूक लढल्यानंतर 68 जागांसह राष्ट्रवादी काँग्रेस 27 जागांसह मोठा पक्ष झाला आहे. भाजपने 25 जागा जिंकल्या आहेत.
या निवडणुकीत जळगावमध्ये शिवसेना आणि भाजप यांचे एकूण 12 उमेदवार बिनविरोध विजयी झाले होते. यात भाजपचे 6 आणि शिवसेनेचे 6 उमेदवारांचा समावेश होता. सुरुवात दणक्यात केल्यानंतर भाजप आणि शिवसेनेने तेच चित्र अंतिम निकालापर्यंत कायम ठेवले. भाजपने जळगावमध्ये 46 जागांवर उमेदवार उभे केले होते. या सर्वच जागांवर भाजपने बाजी मारली आहे. मुख्यमंत्री देवेंद्र फडणवीस यांचे निकटवर्तीय आणि भाजपचे 'संकटमोचक'अशी ओळख असलेले गिरीश महाराज यांनी जळगाव महापालिकेच्या निवडणुकीत रेकॉर्ड केले आहे.
मंत्री गिरीश महाजन यांच्याकडे उत्तर महाराष्ट्रातील नाशिक, धुळे आणि जळगाव महापालिकांची निवडणूक जबाबदारी मुख्यमंत्री फडणवीस यांनी सोपवली होती. या तिन्ही महापालिकांमध्ये भाजपने यश मिळवले आहे. आता हाती आलेल्या निकालानुसार तिन्ही महापालिकेत सत्ता स्थापनेच्या दिशेने भाजपची वाटचाल सुरु असल्याचे चित्र आहे.
नाशिक महापालिका निकाल : एकूण जागा 122
भाजप - 76
शिवसेना - 29
राष्ट्रवादी काँग्रेस - 3
काँग्रेस - 3
शिवसेना उद्धव बाळासाहेब ठाकरे - 9
मनसे - 1
इतर - 1
भाजप - 46
शिवसेना - 21
राष्ट्रवादी काँग्रेस - 1
शिवसेना उद्धव बाळासाहेब ठाकरे -5
अपक्ष - 2
भाजप - 50
राष्ट्रवादी काँग्रेस - 8
शिवसेना उद्धव बाळासाहेब ठाकरे - 5
एमआयएम - 10
अपक्ष - 1
अहिल्यानगर महापालिका निकाल - एकूण जागा- 68
भाजप - 25
शिवसेना -10
राष्ट्रवादी - 27
ठाकरे - 01
काँग्रेस - 02
बसपा -1
एमआयएम - 02
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.