Manoj Jarange Patil News : जरांगे पाटील यांना वाटतेय एकच भीती...म्हणाले सावध राहा!

Maratha Reservation Issue : मनोज जरांगे पाटील यांना मराठा आरक्षणाच्या दिशेने सत्तर टक्के काम पूर्ण झाल्याचे विश्वास आहे. मात्र, आगामी काळात मराठा आरक्षणाचे अस्वस्थ विरोधक या मार्गात खोडा घालू शकतात. त्यासाठी ते आपल्यातीलच एखाद्या नेत्याला पुढे करू शकतात, अशी काळजी त्यांना सतावते आहे. (There may be some political leaders from our own community came forward to oppose us)

मराठा आरक्षण (Maratha Reservation) विषयासंदर्भात मनोज जरांगे पाटील यांनी राज्य सरकारने (Maharashtra Government) चांगले काम सुरू केल्याचे सांगितले. यासंदर्भात मराठा आरक्षणाचे काम शेवटच्या टप्प्यात आहे. येवल्याच्या (Nashik) कार्यकर्त्यांशी संवाद साधताना त्यांनी ही भीती व्यक्त केली.

या वेळी कार्यकर्त्यांशी त्यांनी संवाद साधला. ते म्हणाले, मराठा समाजाला पन्नास टक्के मर्यादेत बसणारे व कायद्याच्या कसोटीवर उतरणारे आरक्षण मिळणार आहे. राज्याच्या सर्व भागात हजारो नव्हे तर लाखो पुरावे सापडले आहेत. कुणबी जातीचे पुरावे अनेक शासकीय विभागात सापडत आहेत. त्यातून सगळ्यांना आपल्या हक्काचे आरक्षण मिळू शकते. ही उपेक्षित, गरीब व गरजू लोकांना शैक्षणिक, सामाजिक विकासासाठी संधी उपलब्ध होईल.

जरांगे पाटील यांना अद्यापही आरक्षणाच्या मार्गात अडथळे येऊ शकतात, अशी भीती आहे. ते म्हणाले, मराठा आरक्षणाचे विरोधक आपल्यातील एखाद्या राजकीय नेत्याला आपल्याच विरोधात उठवू शकतात. त्याच्या तोंडून संभ्रम निर्माण होईल अशी भाषा बोलली जाईल. त्यामुळे अशा वेळी आपली आता खरी कसोटी आहे. अशा लोकांवर बारीक नजर ठेवा, या हितशत्रूंना वेळीच नियंत्रणात आणा, असा कानमंत्र त्यांनी दिला.

आता सदैव एकजूट ठेवायची आहे. आपल्याच लेकरांच्या अन्नात माती कालवू नको, असेही विरोधकांना समजून सांगा. आपण शेतकरी आहोत. आपल्याशी खेटणार नाही, अन् खेटला तर आपले हाथ दगडावानी निबार आहेत, त्याला उत्तर दिल्याशिवाय राहणार नाही. मराठा समाजाला सरसकट कुणबी प्रमाणपत्र मिळावे, त्यातून आरक्षण मिळावे, तेदेखील पन्नास टक्क्यांच्या आत मिळावे, अशी सबंध महाराष्ट्राची मागणी आहे.