Jalgaon Poltics : मुक्ताईनगर नगरपालिका निवडणुकीत भाजपच्या केंद्रीय मंत्री रक्षा खडसे यांना मोठा झटका बसला आहे. रक्षा खडसे यांनी दिलेल्या उमेदवार भाजपच्या भावना महाजन या पराभूत झाल्या आहेत. शिवसेना शिंदे गटाच्या संजना चंद्रकांत पाटील या 2580 मतांनी विजयी झाल्या आहेत.
मुक्ताईनगरमध्ये मंत्री रक्षा खडसे यांनी प्रतिष्ठा पणाला लावली होती. रक्षा खडसेंना साथ मिळावी म्हणून त्यांचे सासरे एकनाथ खडसे यांनी राष्ट्रवादी शरदचंद्र पवार पक्षाकडून एकही उमेदवार दिला नाही असा आरोप शिवसेना शिंदे गटाचे नेते गुलाबराव पाटील व चंद्रकांत पाटील यांनी केला होता.
सुनेच्या सोयीसाठी खडसेंनी उमेदवार दिला नाही असा आरोप चंद्रकांत पाटील यांनी केला होता पण.. प्रत्यक्षात आमदार चंद्रकांत पाटील हे खडसेंचे कट्टर व पारंपरिक प्रतिस्पर्धी आहेत. त्यामुळे मित्र पक्ष असलेल्या भाजप व शिवसेना शिंदे गटातच या ठिकाणी जुंपली होती. त्यामुळे या ठिकाणची लढत कागदावर जरी शिवसेना विरुद्ध भाजप अशी दिसत असली तरी प्रत्यक्षात चंद्रकांत पाटील विरुद्ध खडसे अशीच पारंपरिक लढत होती. त्यामुळे चंद्रकांत पाटील यांनी खडसे कुटुंबीयांना धोबीपछाड दिली आहे असे म्हणावे लागेल.
मुक्ताईनगर पालिकेतील 17 जागांसाठी चंद्रकांत पाटलांच्या नेतृत्वात शिवसेनेचे 17 व दुसरीकडे मंत्री रक्षा खडसेंच्या मार्गदर्शनाखाली भाजपचे 17 उमेदवार रिंगणात होते. मात्र चंद्रकांत पाटील यांनी रक्षा खडसेंवर मात केली आहे. पराभवानंतर रक्षा खडसेंनी माध्यमांना प्रतिक्रिया दिली. जनतेने दिलेला कौल मान्य असल्याचे रक्षा खडसे म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.