

Nandurbar News: नंदूरबार जिल्हा विकास आघाडीचे उमेदवार विश्वास बडोगे यांच्या प्रचारार्थ नवापूरमध्ये शुक्रवारी एक अभूतपूर्व सभा झाली. या सभेचं मुख्य आकर्षण ठरला सुपरस्टार 'पुष्पा भाई'.
अभिनेता अल्लू अर्जुनच्या गाजलेल्या 'पुष्पा' चित्रपटातील पुष्पराज या पात्राचा हुबेहूब पेहराव आणि नक्कल करणारा एक कलाकार प्रचारासाठी मैदानात उतरला. त्याला पाहताच उपस्थितांच्या भुवया उंचावल्या आणि नवापूरमध्ये जणू खऱ्या अल्लू अर्जुननेच एन्ट्री घेतल्याचा भास झाला.
पुष्पा भाईच्या एंट्रीने सभेला एक वेगळंच ग्लॅमर प्राप्त झाले. पुष्पराज च्या स्टाईलमध्ये त्याने व्यासपीठावरून विकासाच्या मुद्द्यांवरून जोरदार आणि तुफान फटकेबाजी केली. 'झुकेगा नहीं साला' या गाजलेल्या डायलॉगचा सादर करीत त्याने त्याने विरोधकांना आव्हान दिले.
मतदारांना बडोगे यांच्या बाजूने उभे राहण्याचे आवाहन केले. या कलाकाराच्या अप्रतिम सादरीकरणामुळे नवापुरातील ही प्रचारसभा खूप गाजली आणि निवडणुकीच्या धामधुमीत मनोरंजनाचा एक अनोखा तडका पहायला मिळाला. हा प्रचार स्टंट मतदारांवर कितपत प्रभाव पाडतो हे निवडणुकीच्या निकालातून स्पष्ट होईल.
नवापूर नगर नगरपरिषदेत नगराध्यक्ष पदासाठी चार उमेदवार तर नगरसेवकाच्या 23 जागेसाठी 108 उमेदवार निवडणुकीच्या रिंगणात आहेत.नवापूर काँग्रेसचा बालेकिल्ला असल्याने विद्यमान आमदार शिरीष नाईक, राष्ट्रवादी अजित पवार गटाचे नेते भरत गावित यांची प्रतिष्ठा पणाला लागली आहे.
प्रमुख लढत : भाजप विरुद्ध काँग्रेस विरुद्ध राष्ट्रवादी अजित पवार गट अशी तिरंगी लढत
अभिलाषा वसावे -पाटील (भाजप )
दीपचंद जयस्वाल (काँग्रेस )
जयवंत जाधव ( राष्ट्रवादी अजित पवार गट)
खलील खाटिक : (राष्ट्रवादी शरद पवार गट )
विश्वास बडोगे : ( जिल्हा आघाडी )
एकूण प्रभाग :- 11
एकूण नगरसेवक :- 23
एकूण उमेदवार : 108
एकूण मतदार :- 28 हजार 114
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.