Uddhav Nimse News: भारतीय जनता पक्षाचे माजी नगरसेवक उद्धव निमसे यांच्या अडचणी कमी होण्याची चिन्हे नाहीत. सध्या ते खून प्रकरणी त्यांना अटकेत आहेत. त्यामुळे त्यांचे राजकीय भवितव्य टांगणीला लागले आहे.
प्रभागातील युवक राहुल धोत्रे यांच्या खून प्रकरणी भाजपचे माजी नगरसेवक उद्धव निमसे अटकेत आहेत. गेल्या चार महिन्यांपासून निमसे कारागृहात आहेत. जामीन मिळविण्यासाठी त्यांचे प्रयत्न सुरू आहेत. या प्रयत्नांना काल मोठा धक्का बसला.
या खून प्रकरणात माजी नगरसेवक निमसे यांच्यावर गंभीर आरोप करण्यात आले आहेत. त्या विरोधात महापालिका निवडणुकीच्या तोंडावर मोठे आंदोलन करण्यात आले होते. त्यामुळे भाजपची मोठी कोंडी झाली. यावरून शहरात मोठे राजकारण अद्यापही सुरू आहे.
माजी नगरसेवक निमसे यांना अटक झाल्याने महापालिका निवडणुकीत त्यांना उमेदवारी देता आली नाही. भाजपने त्यावर तोडगा म्हणून त्यांच्या मुलाला उमेदवारी दिली होती. या प्रभागातून त्यांच्या मुलासह भाजपचे सर्व चार नगरसेवक निवडून आले आहेत.
या प्रकरणात निमसे यांना जामीन देण्यास जिल्हा व सत्र न्यायालयाने काल स्पष्ट नकार दिला. कोण खटल्यातील नामदेव मते सचिन लक्ष्मण दिंडे या दोघांना यापूर्वीच जामीन देण्यात आला आहे. माजी नगरसेवक लिमसे मात्र कारागृहातच राहिलाय आहेत. दुसऱ्यांदा जामीन नाकारल्याने आणखी काही दिवस त्यांचा कारागृहातील मुक्काम वाढणार आहे.
महापालिका निवडणुकीत नाशिक शहरातील गुन्हेगारी चर्चेत होती. नागरिकांमध्ये मोठ्या प्रमाणावर नाराजी असल्याने त्याचा फटका भाजपला बसला होता. त्यामुळे मुख्यमंत्र्यांना हस्तक्षेप करावा लागला. त्यानंतर पोलिसांनी गुन्हेगारांविरुद्ध मोठी मोहीम सुरू केली.
"नाशिक जिल्हा गुन्हेगारीचा बालेकिल्ला"असे राजकीय गुन्हेगारांकडून पोलिसांनी व वदवून घेतले. भाजप नेते सुनील बागुल, माजी नगरसेवक बाळासाहेब पाटील, उद्धव निमसे, आरपीआयचे माजी नगरसेवक प्रकाश लोंढे आणि त्यांची दोन्ही मुले तसेच अनेक राजकीय नेत्यांना पोलिसांनी जेलची हवा खायला लावली.
माजी नगरसेवक प्रकाश लोंढे यांनी कारागृहातून उमेदवारी अर्ज दाखल केला होता. मात्र मतदारांनी त्यांना सपशेल नाकारले. त्यांच्या स्नुषा व माजी नगरसेविका दीक्षा लोंढे यांचाही या निवडणुकीत पराभव झाला. पोलिसांच्या मोहिमेचा फटका भाजपच्या निमसे यांना बसला आहे.
-------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.