NCP Ajit Pawar News: महापालिका महापालिका निकाल जाहीर होऊन तीन दिवस झाले. मात्र पराभूत उमेदवारांच्या हरकती अद्यापही सुरूच आहेत. आज यासंदर्भात एका उमेदवाराने चक्क जिल्हाधिकारी कार्यालयासमोर शक्ती प्रदर्शन केले.
महापालिका प्रभाग क्रमांक २७ येथील राष्ट्रवादी काँग्रेस अजित पवार पक्षाच्या आशा खरात या उमेदवार पराभूत झाल्या. त्यामुळे या प्रभागातील नागरिकांमध्ये मोठा असंतोष आहे. प्रभागातील खरात समर्थकांनी आज चक्क जिल्हाधिकारी कार्यालयावर मोर्चा काढला.
या प्रभागात राष्ट्रवादी काँग्रेस अजित पवार पक्षाच्या आशा थोरात यांना अधिक मते जाहीर करण्यात आली होती असा त्यांचा दावा आहे. येथे भारतीय जनता पक्षाच्या प्रियंका दोंदे या विजयी झाले आहेत. हा निकाल जाहीर न करता फेर मतमोजणी करावी अशी मागणी प्रशांत खरात यांनी केली होती.
प्रशांत खरात यांनी निवडणूक निर्णय अधिकारी पवन दत्ता यांच्या कार्यपद्धतीवर गंभीरक्षक घेतले. मतमोजणी प्रसंगी त्यांनी लिखित हरकत नोंदविली होती. त्यांनी आक्रमक होत निर्णयाला हरकत घेतल्याने पोलिसांनी बळाचा वापर करून त्यांना मतदान केंद्राबाहेर काढले.
त्यामुळे पोलीस प्रशासन आणि निवडणूक निर्णय अधिकारी यांच्या विषयी खराती यांनी गंभीर स्वरूपाच्या तक्रारी केल्या आहेत. आज त्यांनी उमेदवार व पत्नी अशा खरात यांच्यासह शेकडो महिलांचा मोर्चा काढला. जिल्हाधिकारी कार्यालयावर हा मोर्चा आल्यावर वाहतूक ठप्प झाली.
यावेळी यावेळी त्यांनी महापालिका आयुक्त मनीषा खत्री आणि जिल्हाधिकारी यांना निवेदन दिले. निवडणूक निर्णय अधिकाऱ्यांनी सदोष व नियमबाह्य कामकाज केले आहे. त्यांनी आमचा लोकशाही अधिकार हिरावून घेतला. त्यामुळे त्यांच्या कामकाजाची चौकशी करण्यात यावी, अशी मागणी यावेळी करण्यात आली.
या प्रभागात अशा प्रशांत खरात यांचा भाजपच्या प्रियंका राकेश दोंदे यांनी ५६० मतांनी पराभव केला. त्यांचे आकडेवारी जाहीर करताना आपल्याला जास्त मते होती. प्रत्यक्षात मात्र निवडणूक निर्णय अधिकाऱ्याने वेगळ्याच निर्णय दिलेला आहे. यामध्ये घोटाळा करण्यात आला आहे, असा आरोप खरात यांनी केला.
आपल्या मागणीचा प्रशासनाने गांभीर्याने विचार करावा. फेरमतमोजणी करण्यात यावी. अन्यथा बॅलेट पेपरवर प्रभागात मतदान घेऊन निवडणूक निर्णय अधिकाऱ्यांचा सावळा गोंधळ उघड करू असा इशारा त्यांनी दिला.
महापालिका निवडणुकीचा निकाल जाहीर झाला आहे. मात्र पराभूत उमेदवारांचा आणि त्यांच्या समर्थकांचा याबाबत रोष कमी होण्याचे नाव घेत नाही. मनसेचे उमेदवार सलीम शेख यांनीही आपल्या प्रभागात मेळावा घेऊन निकाला विरोधात शक्ती प्रदर्शन केले होते.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.