HSC Board Exam 2026: बारावीच्या परीक्षा; 'कॉपी'मुळे दादा भुसे संतापले, परिक्षाकेंद्रांसह पालकांनाही धडा शिकवण्याची तयारी!

Board Exam Rules Maharashtra: राज्यात बारावीच्या परीक्षा सुरू आहेत. या परीक्षा सुरळीत पार पाडण्यासाठी शिक्षण विभागाने विविध उपाययोजना केल्या आहेत. यामध्ये कॉपीमुक्त परीक्षेसाठी सबंध यंत्रणा कामाला लागली आहे. तरीही कॉपी झालीच, तर...यावर शिक्षणमंत्री संतापले आहेत.

महाराष्ट्रात काही दिवसांपासून बारावीच्या परीक्षा सुरू झाल्या आहेत. या परीक्षा कॉपीमुक्त व्हाव्यात यासाठी शिक्षण विभागाने लक्ष घातले आहे. कधी नव्हे एवढा शिक्षण विभाग त्यासाठी कामाला लागला लागला असून सबंध यंत्रणा कामाला लागली आहे. 

या संदर्भात शिक्षणमंत्री दादा भुसे यांनी अतिशय गांभीर्याने उपाययोजना केल्या आहेत. मंत्री स्वतः त्यासाठी परिश्रम घेत आहेत. कॉपीमुक्त परीक्षा हा समाज आणि शिक्षण विभागासाठी एक महत्त्वाचा विषय आहे. त्याचे गांभीर्य प्रत्येकाने ओळखले पाहिजे, असे ते म्हणाले. 

कॉपीमुक्त परीक्षा हे शिक्षण विभागाचे मुख्य काम आहे. यंदा त्यासाठी गृह विभागासह महसूल आणि ग्रामविकास यंत्रणेचाही उपयोग करून घेण्यात आला आहे. शिक्षण विभागाला या समस्येतून मुक्त करण्यासाठी आम्ही जोरदार प्रयत्न करीत आहोत, असे मंत्री भुसे म्हणाले. 

यंदा परीक्षेत कॉपी होऊ नये यासाठी विद्यार्थ्यांना आणि शिक्षकांना यापूर्वीच आवाहन करण्यात आले होते. मंत्र्यांनीही याबाबत विद्यार्थ्यांना शुभेच्छा देताना कॉपीचे दुष्परिणामांची जाणीव करून दिली होती. त्यामुळे शिक्षण विभागाने त्यासाठी अपार मेहनत घेतली आहे.  

या परीक्षेत कॉपी झाल्यास शाळा आणि संबंधित केंद्रप्रमुख हावर कारवाई होईलच. मात्र यंदा आम्ही अधिक गंभीर आहोत. कॉपी करणाऱ्या विद्यार्थ्यांच्या पालकावरही कारवाई करण्याचा आमचा विचार आहे. त्यादृष्टीने यंत्रणांना सुचित करण्यात आल्याचे मंत्र्यांनी सांगितले. 

एकूणच बारावीच्या परीक्षा विद्यार्थ्यांच्या असल्या तरीही यंदा संबंध यंत्रणा आणि सरकार त्यात सहभागी झाले आहे. त्यामुळे कॉपीमुक्त परीक्षेसाठी विविध यंत्रणा आणि तांत्रिक मदत घेतली जात आहे. कॉपी पासून विद्यार्थ्यांना दूर ठेवण्यासाठी सगळेच मरगळ झटकून कामाला लागल्याचे चित्र पाहायला मिळत आहे.