Narendra Modi: मोदींच्या काटकसरीच्या मंत्राला हिमगौरी आडके यांची साथ; ऑनलाइन महासभा अन् इलेक्ट्रिक वाहनांचा निर्णय!

Himgauri Adke Supports PM Modi Green Initative : देशातील आर्थिक अडचणी आणि समस्यांबाबत पंतप्रधान नरेंद्र मोदी यांनी काटकसरीचे आवाहन केले होते. त्याचे राजकीय पडसाद उमटले आहेत. भाजपने त्याचे जोरदार समर्थन केले. 

पंतप्रधान नरेंद्र मोदी यांनी इंधन वाचाविण्याचे आवाहन केले होते. त्याला राज्य सरकार आणि विविध संस्थांनी सकारात्मक प्रतिसाद दिला. अनेक धडाकेबाज निर्णय घेण्यात आले आहेत. 

नाशिक महापालिकेतही त्याचे पडसाद उमटले आहेत. महापौर हिमगौरी आडके आणि स्थायी समिती सभापती मच्छिंद्र बच्छाव यांनी त्याला प्रतिसाद दिला आहे. पालिकेत धडाकेबाज निर्णय घेण्यावर त्यांनी भर दिला. 

महापालिकेच्या महासभा आणि स्थायी समितीच्या सभा ऑनलाईन घेण्याचा निर्णय महापौर आणि स्थायी समितीच्या सभापतींनी जाहीर केला आहे. ती बचतीवर भर देण्याचा त्यांचा प्रयत्न असेल. कामकाजाच्या कार्यपद्धतीत अनेक मोठे बदल अपेक्षित आहेत. 

महापालिकेचे इंधन वाचविण्यासाठी सहाही विभागीय कार्यालयांमध्ये मोठे निर्णय घेण्यात येणार आहेत. अधिकारी आणि कर्मचाऱ्यांसाठी यापुढे इलेक्ट्रिक वाहने खरेदी केले जाते. ज्या चार विशेष समित्या गठीत केल्या जातील त्यांच्यासाठी ई वाहने खरेदी केली जाणार आहेत. त्यामुळे पंतप्रधानांच्या इंधन बचतीच्या आवाहनाला बळकटी मिळेल. 

महापौर हिमगौरी अडके यांनी पंतप्रधान नरेंद्र मोदी यांनी केलेले आवाहन सबंध देशासाठी आहे. एक नागरिकांनी निर्णया मागील कळकळ लक्षात घेतली पाहिजे. त्याचा संदर्भ विचारात घेऊनच आम्ही यापुढे ऑनलाईन बैठका घेण्याचा निर्णय घेतला आहे, असे सांगितले.

महापालिकेच्या या पुढील महासभा ऑनलाईन होणार आहेत. या माध्यमातून मोठ्या प्रमाणात इंधनाची बचत होईल. शक्य असल्यास वर्क फ्रॉम होम याचाही विचार महापालिका करणार आहे. त्यामुळे पंतप्रधान मोदी यांच्या आवाहनाला महापौरांनी दिलेला धडाकेबाज प्रतिसाद चर्चेत आहे.