Pune News : पुण्यातील रेव्ह पार्टी प्रकरणाने राज्याच्या राजकारणात खळबळ उडाली आहे. पुण्याच्या खराडी परिसरात शनिवारी (दि. २६) रात्री एका फ्लॅटवर सुरु असलेली हाय प्रोफाईल रेव्ह पार्टी गुन्हे शाखेच्या पोलिसांनी उधळली. यात पाच पुरुष आणि दोन महिलांना अटक करण्यात आली असून त्यात राष्ट्रवादी (शरदचंद्र पवार) पक्षाचे ज्येष्ठ नेते एकनाथ खडसे यांचे जावई व महिला प्रदेशाध्यक्षा रोहिणी खडसे यांचे पती प्रांजल खेवलकर यांनाही अटक झाली आहे. या प्रकरणात खेवलकर यांच्यासह ७ जणांना अटक झाली असून पुण्यातील खराडी पोलिस ठाण्यात गुन्हा दाखल झाला आहे. या रेव्ह पार्टीत अंमली पदार्थांचे सेवन केले जात होते असे समजते.
दरम्यान आता याप्रकरणात मोठी व धक्कादायक अपडेट समोर आली आहे. रेव्ह पार्टी सुरू असलेलं हॉटेल बुकींगही खडसेंचे जावई प्रांजल खेवलकर यांच्या नावे असल्याचे समोर आले आहे. प्रांजल खेवलकर यांच्या नावाने हे बुकिंग करण्यात आलं असून हॉटेलच्या बुकिंगच्या पावत्या देखील समोर आल्या आहेत.
या हॉटेलची रुम नंबर 101 आणि रूम नंबर 102 या दोन रुमा खेवलकर यांच्या नावाने बुक होत्या. एका रूमचे बुकिंग 25 ते 28 तर दुसऱ्या रूमचे बुकिंग 26 ते 27 जुलै दरम्यान करण्यात आलं होतं. 10 हजार 357 रुपये असे याचे भाडे होते. त्यामुळे ही रेव्ह पार्टी खेवलकर यांनीच आयोजित केली होती का अशी चर्चा सुरू झाली आहे. त्यामुळे खडसेंच्या जावयाचा पाय या प्रकरणात आणखी खोलात जाण्याची शक्यता आहे.
दरम्यान प्रांजल यांना अटक केल्यानंतर पोलिसांनी त्यांना ससून हॉस्पिटलमध्ये तपासणीसाठी नेलं. तिथे त्यांची वैद्यकीय तपासणी करण्यात आली. त्यांनतर पोलिसांनी त्यांच्या हडपसर येथील घरावरही छापा टाकला आहे. खेवलकर यांना पोलिस हडपरसला घेऊन गेले. या घराची झाडाझडती पोलिसांनी केली असून लॅपटॉप, हार्ड डिस्कसह आणखी काही साहित्य पोलिसांनी जप्त केलं आहे.
प्रांजल खेवलकर हे एकनाथ खडसे यांचे जावई असून त्यांचा मुख्य व्यवसाय जमीन खरेदी विक्रीचा आहे. प्रांजल कुलकर्णी हे रोहिणी खडसे यांचे दुसरे पती आहेत. रोहिणी खडसे यांनी पहिल्या पतीसोबत घटस्फोट घेतल्यानंतर प्रांजल यांच्याशी लग्न केलं. ते दोघेही बालपणीचे मित्र आहेत. पत्नी रोहिणी खडसे या राजकारणात सक्रीय असल्या तरी प्रांजल यांचा राजकारणाशी संबंध नाही. रिअल इस्टेट व इव्हेंट मॅनेंजमेंटचा त्यांचा व्यावसाय आहे. त्यांच्या नावावर उर्जा क्षेत्रातील कंपन्या, साखर कारखाने व एक ट्रॅव्हल्स कंपनी असल्याची माहित आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.