Raj Thackeray News: मनसे प्रमुख राज ठाकरे आणि शिवसेना पक्षप्रमुख उद्धव ठाकरे एकत्र येण्याची प्रक्रिया सुरू आहे. हे दोघे ठाकरे बंधू एकत्र येणार का याविषयी विविध तर्क लढविले जात आहेत. या चर्चेवर कोणतेही ठाम उत्तर न देता राज ठाकरे यांनी सूचक मौन बाळगले आहे
महाराष्ट्र नवनिर्माण सेनेच्या निवडक पदाधिकाऱ्यांची दोन दिवशीय बैठक इगतपुरी (नाशिक) येथे काल सुरू झाली. निवडक आणि विश्वास सहकाऱ्यांसमवेत आगामी महापालिका निवडणुकांबाबत आणि राज्यातील राजकीय घडामोडींचा आढावा यावेळी घेण्यात आला. विशेष म्हणजे स्थानिक पदाधिकाऱ्यांनाही या बैठकीपासून अलिप्त ठेवण्यात आले होते.
मनसे प्रमुख राज ठाकरे यांच्यासाठी उद्धव ठाकरे आणि राज ठाकरे एकत्र येणार का हाच सध्या सर्वात महत्त्वाचा आणि मुख्य प्रश्न आहे. याबाबत राज ठाकरे यांनी सूचक वक्तव्य केले आहे. कोणतीही राजकीय युती एवढ्या झटपट किंवा लगेचच होत नसते. त्याची एक प्रक्रिया आहे, त्यामुळे थोडे थांबा, असे राज ठाकरे म्हणाले.
महापालिका आणि जिल्हा परिषद निवडणुकांसाठी अद्याप चार ते पाच महिन्यांचा कालावधी लागणार आहे. दरम्यान राज्यातील सत्ताधारी पक्ष आणि विरोध यांच्यात बऱ्याच घडामोडी घडण्याची शक्यता आहे. त्या दृष्टीने शिवसेना पक्षप्रमुख उद्धव ठाकरे यांनीही ऑक्टोबर पर्यंत प्रतीक्षा करा, असे वक्तव्य सोमवारी केले होते.
मनसे आणि शिवसेना उद्धव ठाकरे पक्ष एकत्र आल्यास त्याचा मोठा राजकीय परिणाम राज्याच्या राजकारणावर होऊ शकतो. विशेषतः प्रबळ महायुतीचे सरकार आणि त्या पक्षातील कुरघोडीचे राजकारण सत्ताधारी नेत्यांना अस्वस्थ करीत आहे. स्थितीत ठाकरे बंधू एकत्र आल्यास विरोधकांचा आत्मविश्वास वाढण्याची शक्यता आहे.
मनसे प्रमुख राज ठाकरे यांनी शिवसेनेची युती करू नये यासाठी पडद्यामागून अनेक शक्ती कार्यरत आहेत. या युतीचा धसका राज्यातील सत्ताधारी महायुतीने घेतला आहे. दुसरीकडे मराठी भाषेच्या प्रश्नावर पाच जुलैला झालेल्या मेळाव्यानंतर ठाकरे बंधूंनी एकत्र येण्याबाबत कोणतेही मत व्यक्त केले नाही. त्यामुळे याबाबतची उत्सुकता रोज नव्या चर्चा निर्माण करताना दिसते.
तिहेरी भाषेच्या राज्य शासनाच्या धोरणावर राज ठाकरे यांनी आपला प्रखर विरोध कायम असल्याचे स्पष्ट केले. मुलांना मराठीसह इंग्रजी बोलता आले पाहिजे. त्यासाठी मराठी शाळा टिकल्याच पाहिजे. शिवसेना उद्धव ठाकरे यांनीही हीच भूमिका घेतल्याचे त्यांनी नमूद केले.
-------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.